හදපු නිවෙසකට කොටස් එකතු කරද්දී මේ ගැනත් සිතන්න

පෙබරවාරි 13, 2019

දැනට පදිංචි නිවෙසට යම් යම් කොටස් එකතු කර ඉඩකඩ වැඩි කරගන්න එක සාමාන්‍යයෙන් අප හැමෝම කරන දෙයක්. නමුත් බොහෝ දෙනා මෙසේ කරන්නේ නිවැරැදි ක්‍රම ගැන මනා දැනුවත් බවක් නැතිවයි.

දෝෂ සහිතව තැනූ නිවෙසකට පිළියමක් ලෙස මෙවැනි කොටස් එකතු කර දෝෂය වළක්වා ගන්නට හැකි වාගේම, නොසොයා - නොබලා මෙසේ සිදුකළ විට නිවෙසකට ශුභ ඵල අත්වෙන්නේ කලාතුරකින්. සමහර විට ශුභ ඵල ඇති නොවෙන අවස්ථාදෙ තිබෙනවා. මේහො සම්බන්ධ කාරණා බොහොමයක් පෙර ලිපි මඟින් ඔබව දැනුවත් කළා මතක ඇති. අද ලිපියත් වෙන්වන්නේ හිතුමනාපේ නිවෙසට කොටස් ඇමිනිමෙන් දෝෂ ඇතිවන ආකාරය තවදුරටත් පෙන්වා දීමටයි.

මොහොතකට සිතන්න, ඔබේ නිවෙස ගැන. බොහෝ දෙනා වාස්තු විද්‍යානුකූලව නිවැරැදිව ගේ හදලා පදිංචි වෙනවා. නිවෙසක් කියන්නේ කෙනකුගේ වාසස්ථානය පමණක්ම නොවේ.

වැඩිහිටි අප කරනා රැකීරක්ෂා, ව්‍යාපාර ආදියට, දරුවන්ගේ අධ්‍යාපන කටයුතු, ගෙදර සැමගේ නිරෝගී බව යනාදී කාරණා බොහෝමයකට ශුභ ඵල ලබා දීමට නිවෙසකින් ලබා දෙන්නේ මනා පිටිවහලක්.

සෑම වැඩ කටයුත්තකටම අප පිටත් වන්නේත්, ඒවා අවසානයේ නැවත පැමිණෙන්නේත් නිවෙසටමයි. මෙය බොහෝ අවස්ථාවලදී මා පවසන දෙයක්.

ඔබ නිවෙසක මෙවන් ශ්‍රියා නිවෙසකට තව කොටස් එකතු කරන්නේ ඔබේ අත මිටේ මුදල් ගැවසෙන නිසානේ. නමුත් මේ අවස්ථාවේ දී වාස්තු විද්‍යාව මඟහැර කටයුතු කළොත් ඉහත කී පරිදි බොහෝදුරට වන්නේ දෝෂයක්. මෙය වැඩිදෙනකු විසින් සිදුකර ගන්නා අවාසනාවන්ත කාරණයක්. අපි බලමු උදාහරණයට ගත් මෙම නිවෙසේ තිබූ ඇතැම් වාස්තු දෝෂයන් හා ඒවාට පිළියම් යෙදීම ගැන.

(01.) නිවැරැදි ජ්‍යාමිතික හැඩතල නිවෙසකට යොදන්න

මේ නිවෙස ඉංග්‍රීසි“ඹ්” අකුරේ හැඩයට ඉදිකළ එකක්. මෙවන් නිවෙසක බොහෝවිට මධ්‍යය පීඩා වීම දක්නට ලැබෙන දෙයක්. ඒවාගේම සම උසින් දිශා හතරකට එල්ලවන මුදුන් ලී පද්ධතියත්, එයටම සම්බන්ධ වූ බ්‍රහ්ම පාදයට යොමුවන කාණු පීලි ආදියත් ඉතා අසුබ දේවල්.

ගෘහ මූලිකයාට නිවෙසින් ලැබෙන බලය හීන කර සමස්ත නිවෙසටම දෝෂ ඇති කරන අවස්ථාවක්. නිවෙසේ මධ්‍යයට හිරු එළිය වැටෙන නිසා රෙදි වේළීමට යොදා ගත්තෙත් මෙම විවෘත කොටසයි. නො දැනුවත්කමින් සිදුකරන මෙවන් කටයුතු නිසා නිවෙසක යාදීම නැති කරයි.

(02.) කොටස් අමුණද්දී නිවෙසේ සියලු අංශ ගැන සැලකිලිමත් වන්න

ඔබේ අවශ්‍යතාව මත නිවෙසකට කොටස් සම්බන්ධ කිරීමේදී කුමන ආකාරයට පරිහරණය කරනවා ද යන්න මත ඒවා පිහිටිය යුතු ස්ථානය තීරණය වේ. ස්ථානීය වශයෙන් බලා, දිශානුගතව පිහිටුවා, ඒවාට අදාළ වන සෙසු වාස්තු කරුණු ගළපා, මීට සමගාමිව නිවෙසේ අලංකාරය ගැනත් සිහියේ තබාගෙන නිවෙසේ වෙනස්කම් කළ යුතුයි. සරලව අපට පෙනෙන අත්තිවාරම් දැමීම ගැන පමණක් අවධානය යොමු කිරීම ප්‍රමාණවත් නැහැ. ඒවා මත බිත්ති බැඳ වහලය දෝෂ නොවන සේ පිළියෙල කිරීම ගැනත් දීර්ඝව කල්පනාකර නිවැරැදි දේ කළ යුතුයි. පදිංචි නිවෙසකට කොටස් සම්බන්ධ කරගැනීමේ දී මා ඉහත කියූ “දුර දැක්ම” නම් අනිවාර්යය දෙයක්.

 

2019/02/13 තරුණි බලන්න.

CAPTCHA
This question is for testing whether or not you are a human visitor and to prevent automated spam submissions.
6 + 6 =
Solve this simple math problem and enter the result. E.g. for 1+3, enter 4.