තරුණී අපෙන් ඔබට

ජනප්‍රියම කාන්තා පුවත්පත වන තරුණී පුවත්පත ලෝකයට ගෙනහැර දක්වන මනාලියන් දැක්මයි මේ. ඔබ මනාලියක් වන ජීවිතයේ සොඳුරුම අවස්ථාව අර්ථවත් කිරීම අපේ ප්‍රාර්ථනයයි. ඔබට සුබ මංගලම්!

විශේෂාංග

2018 ජූලි 31, අඟහරුවාදා 13:08

ඔබත් අධි රුධිර පීඩනයෙන් පෙළෙන්නෙක් ද?

ලිව්වේ  ආශිර්වාදිනි හෙට්ටිආරච්චි
අගයන්න
(0 මනාප)
"මට ප්‍රෙෂර් පෙත්ත බොන්න තියෙනවා" "ප්‍රෙෂර් තිබිලත් මුලදි පෙති බීපු නැති එකේ විපාකේ, මගේ හාට් එක එන්ලාජ් වෙලා" ප්‍රෙෂර් පිළිබඳ මේ වගේ නොයෙකුත් කතා මුවඟ රැව් පිළිරැව් දෙනු අප කොතෙකුත් අසා ඇති.

 

ඇතැමෙක් මට ඩ්ඪඨඩ ඕතධධඤ ර්‍ථ යැයි කියනුයේ උජාරුවෙනි. "අපිට තියෙන්නේ ඉතිං පොහොසත් ලෙඩනේ. කාට වුණත් කටක් ඇරලා කියන්න පුළුවන් නේ" මෙහෙමත් කියයි. කෙසේ වෙතත් නොවැරදීම ප්‍රෙෂර් පෙත්ත බොන්නට සිදුවන රෝගීන් නම් දිනෙන් දිනම ඉහළ යයි.

අද ලොව පුරා බොහොමයකගේ ජීවිත විනාශ කරන හෘදයාබාධවලට හේතු වන්නේත්, අංශභාග රෝගයට හේතු වන්නේත්, මෙම අධිරුධිර පීඩනයයි. සාමාන්‍ය රෝග අවස්ථාවක් ලෙස සලකා බොහෝ විට එම අවදානම් තත්ත්වයන්ට ගමන් කරන මෙම රෝග තත්ත්වය පිළිබඳ වඩා සැලකිලිමත් වීම ඔබේ ජීවිතයට ඔබ කරනා වැදගත්ම මෙහෙවරයි.

මෙම රෝග තත්ත්වය පිළිබඳ දැනුවත් වූ ප්‍රමාණයට වඩා නොදැනුවත් වූ ප්‍රමාණය වැඩියි. කාර්යබහුල ජීවිත ගතකරන, ජීවිතය පරදුවට තබා තම ආර්ථික සැපයුම්වල නිරතවන බොහෝදෙනකු අකාලයේ මෙම අවදානම් රෝග තත්ත්වයට භාජනය වේ. තම සෞඛ්‍ය තත්ත්වය පිළිබඳ සොයා නොබලමින් ඊට දක්වන අඩු සැලකිල්ල මීට ප්‍රධානම හේතුවයි.

රුධිර පීඩනයට හෘදය වස්තුව විසින් රුධිර පොම්ප කරන (ර්‍ථභථන) වේගය ඉහළ යෑම හෝ කිරීටක ධමනි ආශ්‍රිත රුධිරය ගමන් කිරීමේ ප්‍රතිරෝධ තත්ත්වයන් (අඥඵඪඵබචදජඥ) ඇතිවීමයි.

බොහෝදෙනා තමන්ට අධිරුධිර පීඩනය වැලඳී ඇතිබව දැනගන්නේ කුමන හෝ රෝගයකට ප්‍රතිකාර ගැනීම සඳහා වෛද්‍යවරයකු ළඟට ගිය විටයි. එදිනෙදා ඇතිවන හිසරදය, පෙනීම දුර්වල බව, පපුවේ තදගතිය, පපුවේ වේදනාව, හුස්ම ගැනීමේ වේදනාව, අතපය හිරි වැටීම, ඇඟපත අප්‍රාණික බව, දැඩි නිදිමත, කරකැවිල්ල, ක්ලාන්තය, මෙම රෝග තත්ත්වය ඔබ කරා පැමිණ ඇති බව පෙන්නුම් කරන ලක්ෂණ විය හැකියි.

අධිරුධිර පීඩනය ඇතිවීමේදී එයට පාරම්පරික ජාන බලපෑමක් ඇත් ද යන්න පිළිබඳබොහෝ අයට සැකයක් පවතී. කුමන හෝ රෝගයක් පාරම්පරිකව යම්තාක් දුරට බලපාන්නේ නම් එය හොඳින්ම පාලනය කිරීමටත්, වළක්වා ගැනීමටත් තමා අනුගමනය කරන යහපත් සෞඛ්‍ය පුරුදු ඉවහල් වේ.

අපගේ රුධිර පීඩනය වයස්ගත වීමේදී ක්‍රමයෙන් ඉහළ නැඟීමත් ඒ ඒ වයස් කාණ්ඩ අනුව සාමාන්‍ය රුධිර පීඩනය ද වෙනස්වීමක් සිදු වේවි. එහෙත් හැමවිටම ස්ථුලතාවෙන් පෙළෙන පුද්ගලයන්ගේ රුධිර පීඩනය සාමාන්‍ය පුද්ගලයකුගේ රුධිර පීඩන අගයට වඩා වැඩි විය හැකියි.

අධි රුධිර පීඩනය ඇති අයකු තම ජීවිතයට සමීප කරගත යුතු සහ තමා කෙරෙන් පලා යා යුතු ඇවතුම් පැවතුම් රටා, ආහාරපාන පිළිබඳ නිරන්තර අවධානයෙන් සිටීම නීරෝගීව සිටිමින් දිර්ඝායුෂ ලැබීමට හේතුවක්ම වේවි.

 

නො කළ යුතු දේ

 

* දුම්පානය හා අධික ලෙස මධ්‍යසාර භාවිතය

* අධික තරබාරු බව

* අධික නිදිවැරීම

* නිතරම ශෝක වීම

* අධිකව කේන්ති ගැනීම, හැකි තරම් කේන්ති ගැනීම

* නින්ද නොයෑම

* මානසික ආතතිය

* ලුණු අධික ආහාරපාන ගැනීම

* තෙල් අධික ආහාරපාන ගැනීම

* විවිධ රසකාරක හා ශරීරයට නොගැළපෙන ආහාර අධිකව ගැනීම

* කෙටි ආහාරවලට නිතරම නැඹුරු වීම

* ආහාර පිළිබඳ දක්වන සැලකිල්ලේ දී විශේෂයෙන් ගිජු බවක් දක්වන කොත්තු රොටි, බුරියානි, ෆයිඩ් රයිස්, ගැඹුරු තෙලේ බැදගත් කට්ලට්, පැටිස්, රෝල්ස් නිතරම ආහාරයට ගැනීම

* චීස්, බටර්, තෙල් දැමූ මස්, ඩෙවල්, මස්කට්, දොදොල් ආදිය ඉතා ප්‍රවේසමෙන් හා දැනුමින් ලබාගත යුතුයි.

* සීනි බහුල ආහාර ද සුදුසු නැත

* ජාඩි කරවල, ටින් මාළු, ඉස්සෝ, කකුළුවෝ, රටකජු වැනි ආහාර

* කැෆේන් අඩංගු බීම වර්ග

 

 

කළ යුතු දේ

 

* තමන්ගේ උසට ගැළපෙන බර ප්‍රමාණය නැතහොත් ඕ. ර්. ධ්. අගය නිසියාකාරව හඳුනා ගනිමින් හැකි තරම් බර අඩුකර ගැනීම රුධිර පීඩනයෙන් වැළකීමට හේතුවක් වේවි. රුධිර පීඩනය පවතින අයට දීර්ඝ කාලයක් ඉන් පීඩා විඳීම නිසා වකුගඩු රෝග, ඇස් පෙනීම දුර්වල වීම, හෘදය රෝග, මොළය වැනි ප්‍රධාන ඉන්ද්‍රීයයන්ට ඇතිවන ආබාධ, රුධිරයේ කොලෙස්ටරෝල් ප්‍රමාණය ඉහළ යෑම වැනි අනතුරුදායක අවස්ථාවන් ඇති කරයි.

* කෙසෙල්, රටඉඳි, මුද්දරප්පලම්, බෙලි, ඇපල්, පේර ආදී පලතුරු හා පිරිසුදු කොළ පාට එළවළු ගැනීම

* ජලය ප්‍රමාණවත් පරිදි එනම් දිනකට ලිටර් 2 1/2 ක් පමණ ගැනීම

* කරපිංචා කැඳ, කරපිංචා සම්බෝල මේ ආදී කරපිංචාවලින් සාදන සියලුම ආහාර හා පානයන් රුධිරයේ කොලෙස්ටරෝල් මට්ටම පාලනය කරමින් වක්‍රව අධි රුධිර පීඩනය සඳහා ද යහපත් බලපෑම් කරයි.

* ප්‍රමාණවත් පරිදි කරන ව්‍යායාම අධිරුධිර පීඩනය මඟහරවා ගැනීමට සෘජුවම දායකවේ. මෙහිදී දිවීම, පිහිනීම, නිවෙසේ එදිනෙදා වැඩ කටයුතුවල නිරතවීම බොහෝ සෙයින් වැදගත් වේ.

* ස්වාභාවිකව සාදන දෙළුම් යුෂ, රුධිර පීඩනය ඉහළ යෑම පාලනය කරන නිවිති, කොත්තමල්ලි, බීට්රූට් යුෂ (පිසගත් බීට්රූට්වලට වඩා බීට්රූට් පානය සුදුසුයි) ඔලිව් තෙල්, සාමාන්‍ය චොකලට්වලට වඩා සෞඛ්‍යයට ඉතාම ගුණදායක ඩාක් චොකලට් (ච්චපඬ ඛ්ඩධජධතචබඥ), රුධිර

 

 

පීඩනය නියත මට්ටමක පවත්වා ගැනීමට උපකාරීවන තක්කාලි අමුවෙන් කෑම, සාමාන්‍ය උයන පිහන දේ සඳහා තලතෙල් භාවිතය, වදමල් යුෂ (මෙය රුධිර පීඩනය සීඝ්‍රයෙන් අඩු කළත් අක්මාවට, දියවැඩියා හා ගර්භණී මවුවරුනට සුදුසු නැත)

* පොටෑසියම් බහුල බතල, අලිගැට පේර

* ස්වාභාවික නැවුම් එළකිරි

* දිනකට පලතුරු, එළවළු ග්‍රෑම් 400 ට වඩා කන අයට රුධිර පීඩනය ඒමට ඇති අවදානම අඩු වේ.

* සුදුලූනු, ලෙමන්, පාස්ලි ආහාරයට ගැනීම

* රසායනික පොහොර, කෘමි නාශක භාවිතයෙන් තොර වූ රතු හාලේ බත්

* ස්වාභාවික ඖෂධීය ප්‍රතිකාර ලෙස මුරුංගා කොළ, වැල්දොඩම් කොළ, තෙබු දලු සම්බෝලය දිනපතා ආහාරයට ගැනීම

* ඒකාවේරිය, සුදුලූනු, කරපිංචා කසාය බීම

* බැබිල, සුදුලූනු, ඒකාවේරිය කසාය බීම

* කෝවක්කා, ඒකාවේරිය, රසකිඳ කසාය බීම

* රසකිඳ, ඒකාවේරිය, වැල්පෙනෙල කසාය බීම

* තෙබු කොළ, ඒකාවේරිය, සුදුලූනු තම්බා බීම

ඒ අනුව රෙදි සේදීම, ළිඳෙන් වතුර ඇදීම, නිවෙස් ඇමදීම, මිදුල් ඇමදීම ආදී දේ, විනාඩි 20 - 30 ක් පමණ ශරීරය උණුසුම් කරන ව්‍යායාම වෛද්‍ය උපදෙස්වලට අනුව පවත්වාගෙන යෑම රුධිර පීඩනය සමතුලිත කිරීමට හේතු වේ.

* යෝග භාවනා ද සුදුසු වේ.

 

 

උපදෙස් - අත්තනගල්ල

වකුගඩු නිවාරණ ඒකකයේ

ප්‍රජා සෞඛ්‍ය වෛද්‍ය නිලධාරි

බුද්ධිකා පී. වෙත්තසිංහ

276 වාරයක් කියවා ඇත අවසන් වරට සංස්කරණය කළේ 2018 ජූලි 31, අඟහරුවාදා 13:09
අදහස් එක් කිරීමට ලොග් වෙන්න