තරුණී අපෙන් ඔබට

ජනප්‍රියම කාන්තා පුවත්පත වන තරුණී පුවත්පත ලෝකයට ගෙනහැර දක්වන මනාලියන් දැක්මයි මේ. ඔබ මනාලියක් වන ජීවිතයේ සොඳුරුම අවස්ථාව අර්ථවත් කිරීම අපේ ප්‍රාර්ථනයයි. ඔබට සුබ මංගලම්!

විශේෂාංග

  • නත්තල් කෑම බීම රස විඳිමු
    නත්තල් කෑම බීම රස විඳිමු දැන් දැන් නත්තලටයි නව වසරටයි කවුරුත් සූදානම. මුළු පරිසරයම මීදුමෙන් පිරී ගිහින්. නත්තල උදාවෙනවා. මේ මිහිරි නත්තලේ මිහිර විඳින අතරේ ගෙදරට පැමිණෙන අමුත්තන්ට සංග්‍රහ කරන්න සෑම ගෘහණියක්ම හරිම උනන්දුයි.
    තවදුරටත් කියවන්න...
  • වර්ණ ගෙනෙන ගතිපැවතුම්
    වර්ණ ගෙනෙන ගතිපැවතුම් මේ ලෝකය නිර්මාණය වෙලා තියෙන්නෙ මෙතෙකැයි කියන්න බැරි තරම් නානාප්‍රකාර වර්ණයන්ගෙන්. සොබා දහමත් හරිම විසිතුරුයි. ඕනෑම අයකු යම්කිසි වර්ණයකට වඩාත්ම කැමැති වෙන්න පුළුවන්.
    තවදුරටත් කියවන්න...
  • ඔයාට කොලෙස්ටරෝල් ද?
    ඔයාට කොලෙස්ටරෝල් ද? හෘද රෝග කියන්නේ ජීවිතය අවධානමේ හෙළන්නකි. මේ සඳහා බොහෝවිට කොලෙස්ටරෝල් මට්ටම බලපෑම් කරන නිසා කොලෙස්ටරෝල් ඇති රෝගීන් එය පාලනය කරගැනීම කෙරෙහි වැඩි සැලකිල්ලක් දැක්විය යුතුය.
    තවදුරටත් කියවන්න...
  • ඔයාට කොලෙස්ටරෝල් ද?
    ඔයාට කොලෙස්ටරෝල් ද? හෘද රෝග කියන්නේ ජීවිතය අවධානමේ හෙළන්නකි. මේ සඳහා බොහෝවිට කොලෙස්ටරෝල් මට්ටම බලපෑම් කරන නිසා කොලෙස්ටරෝල් ඇති රෝගීන් එය පාලනය කරගැනීම කෙරෙහි වැඩි සැලකිල්ලක් දැක්විය යුතුය.
    තවදුරටත් කියවන්න...
  • නිවෙසේ වැඩ පහසු කරන රහස්
    නිවෙසේ වැඩ පහසු කරන රහස් නිවෙසෙහි වැඩි වැඩ කටයුතු ප්‍රමාණයක් ඉටු වන්නේ ගෘහණිය අතිනුයි. ඒ අතරින් මුළුතැන්ගෙයි විශේෂයි. ඉතිං ඒ කටයුතු ලෙහෙසි පහසු කරගන්න මේ කරුණු අත්වැලක් කර ගන්න ඔබටත් පුළුවන්.
    තවදුරටත් කියවන්න...

රූපලාවන්‍ය ශිල්පින් සිරස්තල

කොණ්ඩා සැකසුම් සිරස්තල

මල් කළඔ සිරස්තල

මෙහෙන්දි රටා සිරස්තල

රූපලාවන්‍ය සිරස්තල

ආභරණ සපයන්නෝ සිරස්තල

සාරි සිරස්තල

2018 අගෝස්තු 13, සඳුදා 14:44

මැදි වයසේ බොහෝ කාන්තාවන්ට නින්ද ගැටලුවක් විශේෂාංග

ලිව්වේ  චම්පිකා දීපානි රණසිංහ
අගයන්න
(0 මනාප)
නින්ද අප සියලු දෙනාම සෑම දුක්ඛ දෝමනස්සයකින්ම දුරස් කරන විවේකී හෝරා කිහිපයක්. කාන්තාවකට විශේෂයෙන්ම එය සුවිශේෂියි. ඒ ඇයට උපතින්ම කාර්යබහුලකම උරුම නිසා.

 

මේ ජීවී යන්ත්‍රයට විවේකයක් ලැබෙන්නේ රාත්‍රී නින්දේදීම පමණයිි. එහෙත් නින්ද පිළිබඳ සොබා දහමින් වැඩිපුර ගැටලු ඇති කරන්නේ කාන්තාවටමයි.

නින්ද නීරෝගිමත් ජීවිතයකට අත්‍යවශ්‍යයි. එය හොද්දට ලුණු මෙන් ජීවිතයට අඩුත් නැතිව වැඩිත් නැතිව ලැබිය යුතු දෙයක්. ලොව මිලියන 3.3 ක ජනකායක් සම්බන්ධයෙන් කළ පර්යේෂණයකින් හෙළි වී ඇත්තේ පැය අටකට වැඩි නින්ද එසේ නිදන සියයට හතළිස් හතකගේ හෘදයාබාධ හා ආඝාත අවදානම වැඩි කරන බවයි. අඩු නින්දටත් වඩා වැඩි නින්ද කෙනකු ආකලයේ මරණයට පත් කිරීමට හේතුවන බව ලොව පුරා පුද්ගලයන් මිලියන 3.3 ක් ඇසුරින් කීලේ, මැන්චෙස්ටර්, ලීඩ්ස් හා නැගෙනහිර ඇන්ග්ලියා ඇසුරින් කළ පර්යේෂණ මඟින් හෙළි වී තිබෙනවා.

පැය හතකට වඩා අඩුවෙන් නිදා ගන්නා අයට වඩා පැය අට ඉක්මවා නිදා ගන්නන් ඉක්මනින් මරණයට පත් වෙනවා. වැඩිපුර නිදා ගැනීම අයහපත් සෞඛ්‍යයක් පවත්වාගෙන යන බවට පෙර නිමිත්තක්. අඩුවෙන් ව්‍යායාම කිරිම, පමණට වැඩි නින්දට ප්‍රධාන වශයෙන් හේතු වෙනවා. එලෙසම වැඩිපුර නිදාගන්නන් හඳුනා නොගත් සෞඛ්‍ය ගැටලු රැසකින් පීඩා විඳිනවා. මේ අයට ඇත්තේ හෘදයාබාධ අවදානම පමණක් නෙවෙයි. තවත් රෝග ද තිබෙනවා. වෙහෙස බොහෝ විට මෙවිට ඇතිවන ලකුණක්. දිගින් දිගට ඇතිවන ප්‍රදාහ, රක්තහීනතාව වැනි වෙනත් හේතු ද මේ කෙරෙහි බලපානවා.

පැය අටකට වඩා නිදා ගන්නා වැඩිහිටියකු හදවත් රෝගයක් ඇත්දැයි පරීක්ෂා කර බැලීමේ වරදක් නෑ. දිනකට හොඳම නිදා ගැනීමේ පැය ගණන පැය 7 - 8 අතර කාලයයි.

පැය ගණන වැඩිවන තරමට අවදානම ද වැඩියි. පැය නවයක් නිදා ගන්නන්ට මරණයට පත්වීමේ අවදානම සියයට දාහතරකින් ද, පැය දහයක් නිදා ගන්නන් සියයට තිහක අවදානමක් ද, පැය එකොළහක් නිදා ගන්නන්ට සියයට හතළිස් හතක මරණ අවදානමක් ද ඇති වෙනවා.

පැය ගණන දහයට වැඩිවන තරමට ආඝාතයෙන් මිය යාමේ අවදානම සියයට පනස් හයකින් ද, හෘදයාබාධ සෑදීමේ අවදානම සියයට හතළිස් නවයකින් ද වැඩි වෙනවා.

නින්ද අප සැමටම එකසේ වැදගත්. ඒත් නින්දේ ස්වභාවය සංස්කෘතික, සමාජ, මානසික, චර්යාත්මක ආදී විවිධ වූ කරුණු මත වෙනස් වෙනවා.

කාන්තාවකට නම් ආර්තවය වගේම ආර්තවහරණයත් නින්දට කරන බලපෑම් සුළු පටු නෑ.

* ආර්තවය සිදුවන විට. . .

ආර්තවය සිදුවන විට කොරවීම්, ඩයරියා, හිසරදය, අධික ලෙස රුධිර වහනය, වේදනාව වැනි ගැටලු සුව නින්ද උදුුරා ගන්නවා. ඔසප්වීමට පෙර දින කීපයේ හා ඔසප් වූවාට පසු දින කීපයේ නිදා ගැනීමේ දුෂ්කරතාවන් වැඩි වෙනවා. මෙයට කළ යුත්තේ ඔසප්වීමට ආසන්නව වෙහෙස දැනෙන ක්‍රියාවලින් ඈත්වීමයි. ඒ වගේම හිත සතුටින් තබා ගැනීමත් වැදගත්.

සිරුරේ උෂ්ණත්වය ඩිම්බ පිටවීමත් සමඟ අංශක භාගයකින් පමණ වැඩිවන අතර එය ද නින්දට බාධාවක්. සාමාන්‍යයෙන් කෙනකුට නිිදිමත දැනෙන්නේ සිරුරේ උෂ්ණත්වය අඩුවන විටයි. උෂ්ණත්වය අඩුම විට බොහෝ විට හොඳින් නින්ද යනවා. මේ නිසා උෂ්ණත්වය අංශක භාගයකින් ඉහළ යාම නින්දට විශාල බාධාවක් වෙනවා. නිදන කාමරයේ උෂ්ණත්වය ෆැන්හයිට් අංශක 60 - 67 න් තබා ගැනීම, නින්දට පෙර උණුසුම් ජලය ස්නානය කිරීම මේ සඳහා ගත හැකි පියවරයි. මෙවිට සිරුරේ උෂ්ණත්වය අඩු වී හොඳ නින්දකට මඟ පෑදෙනවා.

නොසන්සුන්කම මේ කාලයේදී පොදුයි. ඔසප් චක්‍රයට හෝර්මෝන හතර වර්ගයක් බලපානවා. ඔසප් ඇරඹීමට ඔන්න මෙන්න කියා තිබියදී මේ හෝර්මෝන හතරේම මට්ටම් පහළ බහිනවා. හෝර්මෝනවල සිදුවන වෙනස නිසා බොහෝ කතුන් විෂාදයෙන් පීඩා විඳිනවා. මේ සියල්ල නින්දට බාධා කරනවා.

සිතට, ගතට විවේකයක් ලබා ගැනීම අත්‍යාවශ්‍යයි. ගැඹුරින් හුස්ම ගැනීම, යෝගා ව්‍යායාම කිරීම, නින්දට පෙර දවසේ ගැටලු ගැන සිහි නොකිරීම සැනසිල්ලේ නිදා ගැනීමට මඟ පාදනවා. දිවා කාලයේ ලබන කෙටි නින්දෙන් ඵලදායිතාව වැඩිවන නමුත් දවල්ටත්, හැන්දෑවටත් නිදා ගැනීම සුදුසු නෑ.නින්දේ ගැටලු පූර්ව ආර්තව සින්ඩ්‍රෝමයේ ලක්ෂණයක් ද වෙනවා. සාමාන්‍යයෙන් ඔසප්වීමට දින තුනක්, හයක් පමණ තියෙද්දී ගැටලු ඇති වෙනවා. මේ දවස් ගණන දින 7 - 10 වෙන්නත් පුළුවන්. නින්දේ ගැටලු ඔසප් චක්‍රය හා සම්බන්ධදැයි බැලීමට මාස තුනක් පමණ දින පොතක් පවත්වාගෙන යන්න.

* ආර්තවහරණය හා නින්ද

ජීවිතයේ සැඳෑ සමයේදී ඇතැම් විට ඔබ කරදරයක් කියා සිතූ ඔසප් චක්‍රයෙන් නිදහසක් ලැබෙනවා. සාමාන්‍යයෙන් මෙය සිදු වන්නේ වයස අවුරුදු හතළිස් ගණන්වල අගදී හෝ පනස් ගණන්වලදී. ඔසප් වීම නතර වී වසරක්ම ඔසප් නොවී සිටින විට ආර්තවහරණය සිදු වූවා යැයි සලකනවා.

ආර්තවහරණය නිසා සිරුරේ විශාල වෙනස්කම් රැසක් ඇති වෙනවා. කාන්තා හෝර්මෝන අතර වැදගත් හෝර්මෝන වන ඊස්ට්‍රජන්, ප්‍රොජෙස්ටරෝන් ඩිම්බකෝෂ මඟින් නිපදවීම අඩු වෙනවා. බර වැඩි වෙන්න ගන්නවා. අධික ලෙස උණුසුම දැනෙනවා. යෝනි පෙදෙසේ වියළි බවක් ඇති වෙනවා.

අධික ලෙස දහදිය දැමීම, මානසික වෙනස්කම් (විෂාදය වගේ) බොහෝ විට නින්දේ ගැටලු ඇති කරනවා. ආර්තවහරණය වූ බොහෝ කාන්තාවන් තම නින්ද ගැන තෘප්තිමත් වන්නේ නෑ. 61% ක් පමණ නිසි ලෙස නින්ද නොයාම ගැන චෝදනා කරනවා. නින්දෙන් ගෙරවීමත් මේ අයගේ වැඩියි. සිරුරේ උෂ්ණත්වය ඉහළ යාම නින්දට විශාල බාධාවක් වන අතර සුව නින්දක් නොලැබීම නිසා පසු දිනයේ දැඩි වෙහෙසකාරි බවක් ඇති වෙනවා.

නින්දට පෙර සරල ආහාර ගැනීම, උසට සරිලන බරක් පවත්වාගෙන යාම ආර්තවහරණය වු කතකට ඉතා වැදගත්. නින්දට පැය කීපයකට පෙර කැෆේන් අඩංගු කෝපි, තේ වැනි පාන සීමා කරන්න. ළා පැහැති ඇඳුම් ද නින්දට අත්වැලක්.

භාවනාව. යෝගා, සම්බාහනය මඟින් ආතතිය අඩුකර ගන්න. ව්‍යායාම ද ඉතා වැදගත්.මෙතෙක් ව්‍යායාම නොකර මැදි වියේදී ව්‍යායාම කිරීමට පටන් ගන්නවා නම් ව්‍යායාම ඇරඹීමට පෙර වෛද්‍ය උපදෙස් පතන්න.

1376 වාරයක් කියවා ඇත අවසන් වරට සංස්කරණය කළේ 2018 අගෝස්තු 13, සඳුදා 14:45
අදහස් එක් කිරීමට ලොග් වෙන්න