තරුණී අපෙන් ඔබට

ජනප්‍රියම කාන්තා පුවත්පත වන තරුණී පුවත්පත ලෝකයට ගෙනහැර දක්වන මනාලියන් දැක්මයි මේ. ඔබ මනාලියක් වන ජීවිතයේ සොඳුරුම අවස්ථාව අර්ථවත් කිරීම අපේ ප්‍රාර්ථනයයි. ඔබට සුබ මංගලම්!

විශේෂාංග

කොණ්ඩා සැකසුම් සිරස්තල

මල් කළඔ සිරස්තල

මෙහෙන්දි රටා සිරස්තල

රූපලාවන්‍ය සිරස්තල

සාරි සිරස්තල

2013 ඔක්තෝබර් 08, අඟහරුවාදා 14:18

සාරි නම් ඕනැ තරම්

ලිව්වේ  කසුනි රාජපක්ෂ
අගයන්න
(6 මනාප)
        මොන තරම් විලාසිතා ආවත් සාරිය තමයි අපේ කාන්තාවන්ගේ අංක එකේ ඇඳුම... රැකියාවක් කරන කාන්තාවක් නම් හැම මාසයේ පඩියකටම සාරියක් මිලදී අරගෙන මෝස්තර ගොඩ අලුත්කර ගන්නවා... ඒත්... ඇත්තටම අද යුගයේ කාන්තාවන් බොහෝ දෙනෙක් තමන්ට වගේම තැනට සුදුසු ආකාරයට සාරි තෝරා ගන්නත් ඒවා නිසි ලෙස නඩත්තු කරන්නත් දැනුවත් නෑ.... මේ අත්වැල එවැනි කාන්තාවන් සඳහායි.

 

 

ලේසර් සාරි

මෙය ක්‍රිස්ටල් ස්ටෝන්ස් සහ කට් වර්ක් යන මෝස්තරවලින් ලබා ගන්න පුළුවන්. මේ සාරි වර්ගය දැන් කාන්තාවන් අතර බෙහෙවින් ජනපි‍්‍රය වන අතර මංගල අවස්ථාවන් සඳහා මෙන්ම සාමාන්‍ය අවස්ථා සඳහාත් මිලදී ගත හැකියි.

මංගල සාරියක් රුපියල් 7500 සිට ලක්ෂ එකහමාරක් වැනි ඉහළ මිලකට ද අලෙවි වෙයි. ලේසර් සාමාන්‍ය සාරිය රුපියල් 2750 සිට ඉහළට අලෙවි වෙයි. මේ සාරි ටිකක් පිම්බෙනවා. ඒත් ප්ලීට්ස් තියලා ලස්සනට ඇන්දොත් සිහින් හෝ මහත සිරුරක් ඇති ඕනෑම කාන්තාවකට ගැළපෙනවා. මේ සාරි වර්ගය දිළිසෙන නිසා රාත්‍රි උත්සවවලට වඩාත් ගැළපෙනවා. ඒ වගේම ලේසර් සාරිය නඩත්තුව ගැනත් ඔබ දැනුවත්වීම වැදගත්. බොහෝ දෙනෙක් සාරිය පාවිච්චියෙන් පස්සේ පෙට්ටියේ බහා පරෙස්සමට තියනවා. ඒත් ඒ නැම්ම නිසා සාරිය පළුදුවීමක් සිදුවීමට හැකියි. මේ සාරිය පිරිසුදු කළ යුත්තේ ඩ්‍රයි ක්ලීන් කිරීමෙන් පමණයි. දිගුකල් පැවැත්ම සඳහා සිසිල් තැනක හැන්ගර් එකක එල්ලලා තබන්න පුළුවන් නම් අගෙයි.

 

ෂිමර් සාරි

මේ සාරි වර්ගයත් තමන් කැමති මෝස්තරයට ස්ටෝන්ස් වර්ක් හා ක්‍රිස්ටල් පැච් වැනි මෝස්තරයෙන් ලබා ගත හැකියි. ෂිමර් සාරිය ද මංගල හා සාමාන්‍ය වශයෙන් මිලදී ගත හැකියි.

මෙවැනි වර්ගයේ සාමාන්‍ය සාරියක් රුපියල් 5000 ක් පමණ වන අතර මංගල සාරියක් රු. 10,000 සිට ඉහළට මිලදී ගත හැකියි. ෂිමර් සාරිය දිලිසෙන නිසා රාත්‍රී උත්සව අවස්ථාවලට කදිමට ගැළපෙනවා. මේ සාරියත් ඩ්‍රයි ක්ලීන්කර පිරිසුදු කරන්න ඕනෑ. හැන්ගර් එකකට දාලා සිසිල් තැනක එල්ලලා තියන්න පුළුවන් නම් දිගු කලක් නැවුම්ව තබාගත හැකියි.

 

රෝස් සිල්ක් සාරි

රෝස් සිල්ක් සාරි වර්ගයේත් මංගල හා සාමාන්‍ය වර්ග ලබාගත හැකියි. සාමාන්‍ය සාරියේ ස්ටෝන්ස් සහිත විලාසිතාව හරිම ජනපි‍්‍රයයි. මංගල සාරි නම් කට් වර්ක්, ඩයමන්ඩ් ක්‍රිස්ටල් සහ පර්ල් ඔබ්බලා නිමකර ඇති නිසා හරිම විසිතුරුයි. මේ සාරිය කැමැති වර්ණයකින් මිලදී ගන්න හැකියි. මේ සාරිය කැන්ඩියන් ක්‍රමයට අඳිනවා නම් සෑම ආකාරයේ සිරුරකටම ලස්සනයි. හැබැයි සාරිය කඩලා හදන්නේ නැත්නම් රෝස් සිල්ක් සාරිය සිහින් සිරුරක් තියන අයට වඩාත්ම ගැළපෙනවා.

මෙහි සාමාන්‍ය සාරියක් රු. 4500 සිට ඉහළටත් මංගල සාරියක් රුපියල් 25,000 සිට ඉහළටත් මිලදීගත හැකියි. මේ සාරියත් පිරිසුදු කිරීම සඳහා ඩ්‍රයි ක්ලීන් කිරීම වඩාත් සුදුසුයි.

 

පියෝ සිල්ක් සාරි

මේ සාරි එකත් හැඩවෙලා තියෙන්නෙ ක්‍රිස්ටල් වර්ක් සහ පර්ල් ටච් කරලා. ඇඟටම බෙහෙවින් හේත්තු වී සිටින රෙද්දකින් නිමා කොට ඇති නිසා සිහින් හෝ තරබාරු ඕනෑම සිරුරකට ගැළපෙනවා. මෙහි ඇති විශේෂත්වය නම් දවසේ ඕනෑම වේලාවක අඳින්නට සුදුසු වීමයි. මේ සාරි වර්ගය මැදි වයසේ කාන්තාවන්ට වඩාත් සුදුසුයි. මංගල සාරිවල වර්ණ අයිවරි, වයිට්, වයිට් සහ සිල්වර්, මෙරූන්, රෙඩ්, බිස්කට් වර්ණ ලෙස තෝරා ගත හැකියි.

රුපියල් 35,000 සිට ඉහළට මෙම පියෝ සිල්ක් සාරි මිලදී ගත හැකියි. මේ වර්ගයත් ඩ්‍රයි ක්ලීන් මඟින් පිරිසුදු කිරීම වඩාත් සුදුසුයි.

 

බ්‍රොකිට් සාරි

හරිම ලස්සන සාරි වර්ගයක්. ඕනෑම කාන්තාවකට සිත් ඇද බැඳ ගන්නා පෙනුමක් ලබාගන්න පුළුවන්. මෙහි අයනින් ස්ටෝන් සහ පි‍්‍රන්ට් වර්ක්කර ඇති සාරිය හරිම විසිතුරුයි. ඕනෑම ශරීර ප්‍රමාණයක අයකු ලස්සන කරන බ්‍රොකිට් සාරිය ප්ලීට් කරලා ලස්සනට, පිළිවෙළකට ඇඳ ගත්තොත් වඩාත් අලංකාරයි. එවැනි සාරියක් ඕනෑම වේලාවක පවත්නා උත්සව අවස්ථාවකට ඉතාමත් හොඳින් ගැළපෙනවා.

මෙවැනි සාරියක් රුපියල් 17,000 සිට ඉහළට මිලදී ගත හැකියි. අනිවාර්යයෙන් මේ සාරියද පිරිසුදු කළයුත්තේ ඩ්‍රයි ක්ලීන් කිරීම මඟින්මයි.

 

 

විශේෂ ස්තුතිය

පිටකොටුවේ අසවින්ස් සාරි

මන්දිරයේ අධිපති තුරේරත්නම් මහතාට සහ
ප්‍රවීණ රූපලාවණ්‍ය ශිල්පිනී ගයාත්‍රි ඩයස්මහත්මියට

 

විදුමිණි දිසාකරුණා

6947 වාරයක් කියවා ඇත
අදහස් එක් කිරීමට ලොග් වෙන්න