තරුණී අපෙන් ඔබට

ජනප්‍රියම කාන්තා පුවත්පත වන තරුණී පුවත්පත ලෝකයට ගෙනහැර දක්වන මනාලියන් දැක්මයි මේ. ඔබ මනාලියක් වන ජීවිතයේ සොඳුරුම අවස්ථාව අර්ථවත් කිරීම අපේ ප්‍රාර්ථනයයි. ඔබට සුබ මංගලම්!

විශේෂාංග

2016 පෙබරවාරි 08, සඳුදා 11:28

අලුත්ම “හීල්” විලාසිතා එක්ක හැඩවෙලා බලන්න... විශේෂාංග

ලිව්වේ  අචිනි ලක්මාලි චන්ද්‍රසේකර
අගයන්න
(1 මනාපය)
 දෙපා සනසන දෙපා සරසන පාවහන් තරුණියකගේ හැඩ රුවට ආශීර්වාදයකි. කාලයේ තාලයට මැවෙන මෙවැනි පාවහන් අපූරු හැඩ, මෝස්තර ගණනාවකින්ම යුක්තයි.

 

 පොයින්ට් හීල්, ක්ලෝත් හීල්, වෙජ් හීල්, ඩච් හීල් මෙන්ම කෝෂ් ෂූස් යන පාවහන් මෝස්තර ඒ අතර වේ.

මේ අතරින් අලුත්ම ට්‍රෙන්ඩ් එක වන්නේ “ක්ලෝත් හීල්” විලාසිතාවයි.

මෙය තමන්ගේ රුචිකත්වය පරිදි ඕනෑම රෙදි වර්ගයකින් තෝරා ගන්න පුළුවන්. ඒ අතර බතික්, මල්, කොටු, ඉරි හැඩතල මුද්‍රිත රෙදිවලින් යුත් ක්ලෝත් හීල් අලුත්ම මෝස්තරය දැන් වෙළෙඳපොළේ අලෙවියට තිබේ. මෙහි අඩිය ඉක්මනින් ගෙවී යන්නේ නැත. අඩිය කිසිසේත් ගැළවෙන්නේ ද නැත. ශක්තිමත් නමුත් කකුලට වැඩි බරක් ද නොවේ. එබැවින් මෙය ඉතාමත් සැහැල්ලු පාවහන් යුගලකි. දිගු කාලයක් පැලඳ සිටින්නත් හැකියි. සාරියට, කලිසමට, ත්‍රී ක්වාටර්, කෙටි සායට යන ඕනෑම ඇඳුමකට ගැළපේ. මිලෙන් රු. 1000 සිට ඉහළට තිබේ.

මංගල ගමනට, දෙවැනි ගමනට, මධු සමයට යන යුවතියට හැඩවිය හැකි “පොයින්ට් හීල්” විලාසිතාව කා අතරත් ජනපි‍්‍රයයි. ඒ සමඟින් ඩිසයින්, කෝට් ෂූස්, ප්ලැට් ෂූස් යන ඒවා දෙවැනි මනාලියට, මල් කුමරියන්ට ගළපා ගන්නත් පුළුවන්. මේවා සාරියේ වර්ණයට විවිධ හැඩවලින් තෝරා ගත හැකියි. පොයින්ට් හීල් අඟල් 1/2 සිට අඟල් 5 1/2 දක්වා උස ප්‍රමාණයකින් ලබා ගන්න පුළුවන්. මිලෙන් රු. 850 ක් වේ.

“ප්ලැට් ෆෝම්” ඩිසයිනර් එකටත් යුවතියන් අතර ඉහළ ඉල්ලුමක් පවතී. මෙහි පිටුපස අඩිය උස ප්‍රමාණයටම ඉදිරිපසින් ද උස වැඩි වීමක් දක්නට ලැබේ.

“ඩච් හීල්” පාවහන් හි පිටුපස අඩිය උස නමුත් ඉදිරිපසින් අඩිය ප්ලැට් ස්වරූපයක් ගනී.

මේවාට බකල්, ඉලාස්ටික්, පටි ඇල්ලීමෙන් ඔබට පැලඳීමට පහසුයි.

“වෙජ් හීල්” පාවහන් සාරියට විශේෂයි. පැලඳීම ඉතා පහසුයි. කකුලට දාඩිය දමන අය වෙනුවෙන්ම සැකසුවකි.

ඔබ මේ කුමන පාවහන් යුගලක් ගැන හිතුවත් ඔබට වඩාත්ම ගැළපෙනම දේ තෝරා ගන්නට උත්සාහ කරන්න.

 විශේෂ ස්තූතිය

Orchid by shenon  හි ෂෙහාරා මෙන්ඩිස්ට

 ඡායාරූප - සිරිපාල හල්වල 

7032 වාරයක් කියවා ඇත අවසන් වරට සංස්කරණය කළේ 2016 පෙබරවාරි 08, සඳුදා 11:33
අදහස් එක් කිරීමට ලොග් වෙන්න