තරුණී අපෙන් ඔබට

ජනප්‍රියම කාන්තා පුවත්පත වන තරුණී පුවත්පත ලෝකයට ගෙනහැර දක්වන මනාලියන් දැක්මයි මේ. ඔබ මනාලියක් වන ජීවිතයේ සොඳුරුම අවස්ථාව අර්ථවත් කිරීම අපේ ප්‍රාර්ථනයයි. ඔබට සුබ මංගලම්!

නර්ථන පුහුණුව සිරස්තල

ජ්‍යොතිෂය සිරස්තල

නිය අලංකරණය සිරස්තල

2012 ජූලි 02, සඳුදා 10:31

සාර්ථක යුග දිවියකට පොරොන්දම පමණක් ගැලපීම ප්‍රමාණවත් නැත

ලිව්වේ  ඡ්‍යොතිෂවේදී රේණුක වික්‍රමසිංහ
අගයන්න
(9 මනාප)
මනුෂ්‍ය වර්ගයාගේ අඛණ්ඩ පැවැත්මත් සතුට, තෘප්තිය මෙන්ම දියුණුව සඳහාත් විවාහය වැදගත් වේ. නමුත් යුග දිවියේ සැපත තෘප්තිය හීනකර යහන් සුව අහිමි කරන අශුභ වූ යෝග කිහිපයක් ජන්ම පත්‍ර පරීක්‍ෂාව තුළින් දැකගත හැකිවේ. පොරොන්දම් 20 න් 20 ම ගැලපුනත් පහත සඳහන් දෝෂයක් ස්ත්‍රි පුරුෂ ජන්ම කේන්ද්‍රවල පැවතිය හොත් එම විවාහය අසාර්ථකවී යයි. එවැනි යෝග කිහිපයක් පරික්‍ෂා කර බලමු.

විෂ කන්‍යා යෝගය

විෂ කන්‍යා යෝගය ලදව උපන් ස්ත්‍රිය නිතරම දුකෙන් පසුවේ. කරදර වැඩිය. සැප සම්පත් නොලබයි. විෂ කන්‍යා යෝගයක් සහිතව උපන් ස්ත්‍රියක් විවාහ කරගන්නා පුරුෂයා හදිසියේ මිය යාමට හෝ සදාකාලික ආබාධිතයෙක් බවට පත්විය හැක.

දරුවන් ගර්භයේදීම හෝ ඉපදී ටික දිනක් ගතවත්ම මිය යාම විෂ කන්‍යා යෝගය ලදව ඉපදුනු කාන්තාවකගේ ඉරණම වේ. විෂ කන්‍යා යෝගය ලදව උපන් ස්ත්‍රියක් විවාහ කරගන්නා පුරුෂයාට කිසි දිනෙක සැපක් නොලබයි.

විෂ කන්‍යා යෝගය හඳහනක යෙදෙන ආකාරය පරික්‍ෂා කර බලමු.

දෙවැනි තිථිය යෙදී ඇති දවසක සෙනසුරාදා දිනය විය යුතුය. අස්ලිස නැකත තිබිය යුතුය.

හත්වැනි තිථිය යෙදී ඇති දවසක සෙනසුරාදා දිනය ද කැති නැකතින් ඉපදිය යුතුය.

දෙවැනි තිථීය යෙදී ඇති දිනයක අඟහරුවාදා දිනය වී සියාවස නැකතින් ඉපදීම

හත්වැනි තිථිය යෙදී ඇති දිනයක අඟහරුවාදා දිනය වී විසා නැකතින් ඉපදීමද

දොළොස්වන තිථිය යෙදී ඇති දිනයක ඉරිදා වී අස්ලිස කැති සියාවස යන නැකතින් ඉපදීම

පහත ආකාරට යෙදෙන ග්‍රහ යෝගවලින්ද විෂ කන්‍යා යෝගය යෙදේ.

ඉහත පලවන රූපසටහනට අනුව සිංහ ලග්නයෙන් ඉපදී සෙනසුරු පළමු භාවයේ සිට හයවන භාවයේ 6 හා කේතු යෝගවී සිටීමද දෙවන රූපසටහනට අනුව සිංහ ලග්නයෙන් ඉපදී කුජ හා රාහු පළමු භාගයේ සිට දසවැනි භාගයේ රවි හා ශනි යෝගවී සිටීමද තුන්වන රූපසටහන අනුව මේෂ ලග්නයෙන් ඉපදී රාහු පලමුභාවයේද කුජ හා ශනි ග්‍රහයන් යෝගවී හයවැනි භාවයේ ;යදීමද හතරවන රූප සටහන අනුව මේෂ ලග්නයෙන් ඉපදී ශනි ග්‍රහයා පළමු භාවයේ යෙදී කේතු හා කුජ ග්‍රහයන් හයවන රාශියේ යෙදීමද වෙනත් ඕනෑම ලග්නයේදී ශනි ග්‍රහයා පළමු භාවයේද රවි ග්‍රහයා පස්වන භාවයේ සිටියේදී කුජ 9 සිටීම මත ද විෂකන්‍යා යෝගය යෙදෙන ක්‍රම කිහිපයක් වේ.

ලේ නෑකම් දෝෂය

සහෝදරයන් දෙදෙනෙකුගේ දරුවන් අතර හා සහෝදරියන් දෙදෙනෙකුගේ දරුවන් අතර විවාහය අශුභ වේ. යම් කිසි ආකාරයකින් එලෙස විවාහයක් සිදුවුවහොත් අඳ, ගොළු, බිහිරි හෝ මන්දබුද්ධික අංග විකල දරුවන් ඇති වීමට ඉඩ ඇත.

චාරිත්‍ර දෝෂ

එක් කුස උපන් දෙදෙනෙකුගේ විවාහය එකම දින සිදුකිරීම අශුභ වේ.

විවාහයට පෙර පවුලේ අයකු මිය ගියහොත් එම විවාහය මාස හයකට වත් කල් දැමිය යුතුය.

වැන්දඹු දෝෂ

ස්ත්‍රි මෙන්ම පුරුෂ හඳහනේද වැන්දඹු දෝෂ දැකිය හැකිවේ. විවාහ වී වසරක් යාමට මත්තෙන් හෝ විවාහ වී වසර 2 ක තුනක් සමගියෙන් ජීවත් වී එකවර ලෙඩ රෝගයකින් හෝ හදිසි අනතුරකින් දෙදෙනාගෙන් එක් අයකු අකාලයේ නැතිවී කණවැන්දුම් ලෙස ජීවත්වන අය අප සමාජයේ බොහෝ සේ දැකගත හැකිවේ. පොරොන්දම් 20 න් 20 ම ගැලපුනත් ස්ත්‍රියක ගේ මෙන්ම පුරුෂයකුගේ හඳහන් වලින් පිළිබිඹු වන වැන්දඹු දෝෂ මත එම විවාහයන් සාර්ථක නොවේ. ස්ත්‍රියකගේ ලග්නයේ හතේත් අටේත් පාපග්‍රහයින් දෝෂ සහිතව සිටීම පුරුෂ මරයෝගයක් වේ. මේෂ හෝ වෘශ්චික රාශිගත චන්ද්‍රයා පාපග්‍රහයින්ට මැදිවී සිටීනම් හදිසි අනතුරකින් ස්වාමියා මිය යයි. පුරුෂ හඳහනේ ශනි හා සඳු ග්‍රහයන් යෝග වී හතේ සිටීම හා ලග්නයේ ශනි රාහු සිටීමද හතේ පාපග්‍රහයින් සිටීමද භාර්යාවනට අනතුරු සහිත පිහිටීම් වේ. ස්ත්‍රි හා පුරුෂ හඳහන් පරීක්‍ෂාවෙන් තව තව වැන්දඹු දෝෂ ගැන සොයා බලා විවාහය ගැන තීරණය කල යුතුවේ.

තවද විසිදෙවන දෙර්කාණාධිපති ග්‍රහයා හත්වැන්නේ යෙදීමද අශුභ පිහිටීමක් වේ. විවාහය පමාවීම. නුසුදුසු සහකාරියක් හෝ සහකාරයෙක් ලැබ පවුල් ජීවිතය සැමදා අවාසනාවන්තව ගත කිරීමද අකාලයේ සහකරු හෝ සහකාරිය මිය යාම, රෝගී තත්වයකට පත්වීමක් හෝ විවිධ හේතු මත විවාහ ජීවිතය කරදර බාධක ඇතිවී අසාර්ථක යුග දිවියකට හේතු යෙදේ.

කඩහන්දි මාරක දෝෂය

විවාහ අපේක්‍ෂිත ස්ත්‍රී පුරුෂ දෙදෙනාට ඉදිරියේදී එක් වර්ෂයක් ඇතුලත එකම මහා දශාවක් ලැබීම කඩහන්දි මාර දෝෂය ලෙස සලකයි. මේ ආකාරයට අශුභ ව

කවානුවක් ගත වීමද ස්ත්‍රි හෝ පුරුෂ යන දෙදෙනාගෙන් ;කනෙකුට මාරක හා සමාන අපලයක් ගෙන දීමට හේතු විය හැක.

කුජ දෝෂය

කුජ නොහොත් අඟහරු ග්‍රහයා ලේ ධාතුවට අධිපති ග්‍රහයා වේ. පොරොන්දම් පරික්‍ෂාවට පෙර අනිවාර්යයෙන්ම ස්ත්‍රි පුරුෂ හඳහන් දෙකේ කුජ දෝෂය ගැලපීම් පිළිබඳව අනිවාර්යයෙන්ම බැලිය යුතුය. ලග්නයෙන් යෙදෙන කුජ දෝෂයට වඩා චන්ද්‍රයාගෙන් යෙදෙන කුජ දෝෂයත්. චන්ද්‍රයාගෙන් යෙදෙන කුජ දෝෂයට වාඩ සිකුරුගෙන් යෙදෙන කුජ දෝෂය බලවත් වේ. ස්ත්‍රි හා පුරුෂ හදහන් දෙකේ ශනි හා කුජ යෝගවී සිටින ශනි මංගල දෝෂය ඉතා අශුභ පිහිටීමක් ද වේ.

අවිවාහක යෝග

ඉහත දැක්වූ දෝෂ වලට අමතරව ස්ත්‍රි පුරුෂ හදහන් දෙක පරීක්‍ෂා කිරීම තුළින් ධාර්මිකව හැසිරීමට නැඹුරුවීම මත හෝ ලිංගික බෙලහීනතාවය නිසා හෝ වෙනයම් හේතුමත තනිකඩව අවිවාහක ජීවිත ගත කරන අවිවාහක යෝගද හඳහන් වලින් දැකිය හැකිවේ.

හත අධිපති ග්‍රහයා හා කුජ හා සිකුරු දුර්වල වී ගුරු ශනි රවි බලවත්ව සිටීනම් විවාහයකට පෙළඹීම අඩුය. ශනි කුජ මංගල දෝෂය ලග්නයේ හෝ හතේ යෙදීම යුග සැප අහිමි කරයි. හත්වැන්

නිත්‍යානුකූල විවාහයට අමතරව තව තව සම්බන්ධකම් ප්‍රසිද්ධියේම හෝ රහසේ කායිකව සම්බන්ධ වීම්ද ස්ත්‍රී පුරුෂ ජන්ම පත්‍ර 2 ක පරික්‍ෂාකර බලාගත හැකිවේ. විශේෂයෙන් බහු විවාහ යෝග සරාගි යෝග ගැනද සැලකිලිමත් විය යුතුය. තවද පොරොන්දම් පරීක්‍ෂාවට පෙර වඳයෝග ගැන සොයා බැලිය යුතුය. දරුවන් නැති වඳ යෝග සහිත ස්ත්‍රි හඳහනක් සහිතව විවාහ වූ පුරුෂයාට දරු සුරතල් බැලීමට අවකාශ නැතිවීයයි. සමහර අය දික්කසාද වේ. විශේෂයෙන් ගුරු නීච වීම දරුඵල අඩු වීමකි. පහ අධිපති ග්‍රහයා අටවැන්න අශුභව යෙදීමද ස්ත්‍රි පුරුෂ දෙදෙනාගේම හඳහන් වල පහේ රාහු සිටීම පිළිබඳ ගැනීමේ දෝෂයක් වේ.නාධිපති ග්‍රහයා බුද කේතු හෝ ශනිගේ නැකැත්වල නම් විවාහය පමාවීම හෝ අවිවාහක ලෙස සිටීමට සිදුවන පිහිටීමකි.

ස්ත්‍රි පුරුෂ හඳහන් දෙකේ පවතින්නාවූ රෝග පිළිබඳවද සලකා බැලිය යුතුවේ. විශේෂයෙන් විසිදෙවන දෙර්කාණාධිපති ග්‍රහයාට අනුව ඔහුට හෝ ඇයට ඇති අසනීප තත්ත්වය තේරුම් ගත යුතුවේ. විශේෂයෙන් මානසික රෝග, ලිංගික රෝග සුවකර ගත නොහැකි රෝග පවතී දැයි සොයා බැලීමක් කරගත යුතුවේ. තවද ස්ත්‍රි හෝ පුරුෂ හඳහන් වල ආයුෂ තත්ත්වය මෙන්ම සෙනසුරු එරාෂ්ටක අපල පැවතීම ගැන සොයා බැලිය යුතුය. දියුණුවක් නැති හඳහනක් දියුණුවක් නැති හඳහනක් හා එක් වීමෙන් අන්ත දුගී භාවයට පත් විය හැක. එබැවින් පොරොන්දම් 20 කෙසේ ;වතත් ඉහත දැක්වූ දෝෂ ගැන මුලින්ම හඳහන පරීක්‍ෂාකර බලා පසුව පොරොන්දම් 20 ගැලපීම යහපත් වේ.

 

11082 වාරයක් කියවා ඇත අවසන් වරට සංස්කරණය කළේ 2012 ජූලි 08, ඉරිදා 19:45
මේ යටතේ එන අනෙකුත් ලිපි: ග්‍රහ බලය හා විවාහය »
අදහස් එක් කිරීමට ලොග් වෙන්න