රූපලාවන්‍යාගාර සිරස්තල

තරුණී අපෙන් ඔබට

ජනප්‍රියම කාන්තා පුවත්පත වන තරුණී පුවත්පත ලෝකයට ගෙනහැර දක්වන මනාලියන් දැක්මයි මේ. ඔබ මනාලියක් වන ජීවිතයේ සොඳුරුම අවස්ථාව අර්ථවත් කිරීම අපේ ප්‍රාර්ථනයයි. ඔබට සුබ මංගලම්!

ජ්‍යොතිෂය සිරස්තල

නිය අලංකරණය සිරස්තල

2018 ජූලි 23, සඳුදා 12:51

පෝෂණය රැකෙන ලෙස එළවළු පිළියෙල කරමු විශේෂාංග

ලිව්වේ  යශෝදා ඉන්දීවරී
අගයන්න
(0 මනාප)
එළවළු, පලතුරු, සහල් වැනි දෑ එදිනෙදා ජීවිතයේ අත්‍යවශ්‍ය දේවල් ලෙස පිළිගැනෙනවා. ඉතින් මේ අතරින් එළවළු අපි ආහාරයට ගන්නේ පිසීමකට ලක්කරලා...

 

මේ විදිහට පිසිනවිට ඔබ නොදැනුවත්ව හෝ එළවළුවල පෝෂ්‍ය පදාර්ථ විනාශ වෙන බව ඔබ දන්නවාද? ඒ කොහොමද කියාත්, එළවළුවල පෝෂ්‍ය පදාර්ථ රැකෙන ආකාරයට පිළියෙල කරගන්නේ කොහොමද කියාත් අපි බලමු.

ශාක කොටස් වන එළවළු, පත්‍ර, දලු, මල්, අල, කඳ, ඵල ආදී ලෙසින් භාවිතයට ගන්නවා. ඒ වගේම විවිධ පලා වර්ග ද අපි ආහාරයට ගන්නවා. මෙම පලා වර්ගවල විටමින් ඒ හා ඛ් අඩංගු වෙනවා. මෙම විටමින් වර්ග දෙක, හිරු එළියට, අධික රස්නයට (උෂ්ණත්වය 760 ඛ්) සහ කාර්මික පීඩනයට යන ක්‍රියාවන්ට නිරාවරණය වූ විට සමහර කොටස් විනාශ විය හැකියි. එම නිසා මෙම පෝෂ්‍ය පදාර්ථ සියල්ලම රැක ගැනීම පිණිස පලා වර්ග අමුවට පිළියෙල කරගත හැකි අතර, එවිට නැවුම් බවක් ද එක්කරයි.

එළවළු පිසීමේ දී සැලකිලිමත් විය යුතු කරුණු

එළවළු පිසීමේදී වැඩිපුර තැම්බීම නැතහොත් හින්දීම නොකරන්න. එළවළුවල පාට එලෙසම රැක ගනිමින් තැම්බීම සුළුවෙන් කිරීම වැදගත් වේ. එවිට හොදිවල (ව්‍යාංජනයේ) පැහැය ද, පෝෂ්‍ය පදාර්ථ ද රැකගත හැකි වෙනවා.

අප විශේෂයෙන්ම පලා වර්ග පිසින විට එහි ඇති යකඩ ප්‍රමාණය එලෙසින්ම ලබා ගැනීමට නම් එය පිස ගෙන, ළිපෙන් ඉවත්කර, එයට දෙහි ඇඹුල් සුළු ප්‍රමාණයක් ඉස, මිශ්‍ර කර ගැනීමෙන් යකඩ හොඳින් අවශෝෂණය කරගත හැකි වෙනවා. එළවළුවල ඇති 'ෆයිටේට්ස්' (ර්‍ථඩරබචබඥඵ) සහ 'ඔක්සලේට්' (ර්‍ණයචතචබඥ) ප්‍රමාණය නිසා යකඩ, කැල්සියම් අවශෝෂණය අඩුවේ. එම නිසා මෙම රසායනික ද්‍රව්‍ය වැඩි එළවළු කැල්සියම් හා යකඩ අඩංගු ආහාරවලින් ඉවත්කර පසුව ආහාරයට ගැනීමෙන් මෙම ගැටලුව මඟහරවා ගත හැකියි. රසායනික ද්‍රව්‍ය වැඩි පලා වර්ග වනුයේ කංකුං, මුකුණුවැන්න ආදී පත්‍ර සහිත පලා වර්ගයි. දෙහි ඇඹුල් වෙනුවට එළවළුවලට ඇඹුල් වැඩි එළවළු වර්ගම යොදා ගත හැකියි. එනම් තක්කාලි, ඇඹරැල්ලා, අන්නාසි, අඹ වැනි ඒවාය.

ආහාර කල්තබා ගැනීමේදී පෝෂ්‍ය පදාර්ථ විනාශ වේද?

ආහාර කල්තබා ගැනීමට ඒවා වියළීම කරනු ලබනවා. තවද අච්චාරු දැමීම ද සිදු කරනවා. ආහාර වියළීමේදී විටමින් ඛ් සහ ඒ සුළු ප්‍රමාණයක් විනාශ වේ. තවද විනාකිරි මඟින් කල්තබා ගැනීමේදී නම් (අච්චාරු) පෝෂ්‍ය ගුණය වැඩිවී (කැල්සියම් හා යකඩ අවශෝෂණය වැඩිය) අපට වාසියක් ගෙන දේ. එසේම සෝඩියම්, ක්ලෝරීන් ප්‍රමාණය ද වැඩි වේ. වැඩිපුර අයඩින් ප්‍රමාණයක්ද ලැබේ.

ආහාර, පලා වර්ග, එළවළු වියළීමේදී කල්තබාගත හැකි වුවත්, හැකිතරම් එළවළු වර්ග අමුවට, නැවුම් බවකින් යුතුව ආහාරයට එක්කර ගන්න. එවිට පෝෂ්‍ය පදාර්ථ එලෙසින්ම අපට ලබාගත හැකියි. තවද වාෂ්පයේ තැම්බීම මඟින් ද නැවුම් බව වැඩිකරගත හැකියි. මෙම ක්‍රමය ආහාර පිසීමේ දී වඩාත් යෝග්‍ය ක්‍රමයක් වේ. වාෂ්පයේ තැම්බීම මඟින් විටමින් සේදී හොදිවලට යාම සිදුනොවේ. පැහැයද රැකේ.

පැහැය එලෙසම තබාගැනීමට

පැහැය වෙනස්වීම සිදුවන්නේ තැම්බීම වැඩි වූ විට හා (වර්ණක විනාශ වීමෙන්) බ්‍රවුනින් යන රසායනික විපර්යාසය සිදුවීම හේතුවෙනි. මෙය වළක්වාලීම ආහාර අමුවට පිළියෙලකර ගැනීම වඩාත් යෝග්‍ය වේ. එසේත් නොමැතිනම් සිට්‍රික් හෝ ඇසෙටික් අම්ල ස්වල්පයක් ආහාරවලට එක් කරන්න. ස්වාභාවිකව මේවා අඩංගු වන්නේ දෙහි කුලයේ පලතුරුවලටය.

ලෙමන්, දෙහි, තක්කාලි, දොඩම් යුෂ මේ සඳහා උදාහරණ වේ. මින් එළවළුවල පැහැය වෙනස්වීම වළකා ගත හැකියි. පැහැය රැක ගැනීමට සමහරු ආහාරවලට (කොළ පාට) වර්ණක එක්කර ගනු ලබයි. නමුත් මෙය සෞඛ්‍යයට අහිතකරය.

ප්‍රමිතිය වැඩිකර ගන්නේ කෙසේද?

එක් එක් එළවළු වර්ග කල්තබා ගැනීම සඳහා ගබඩා කිරීමට සුදුසු උෂ්ණත්වයක් ඇත. (ඛ්ඩඪතතඪදඨ ඊඥථනඥපචබභපඥ) එම උෂ්ණත්වය ද, ආර්ද්‍රතාවය ද නියමිත පරිදි රැකගෙන ගබඩා කිරීමෙන් ස්වාභාවිකව වන නාස්තිය වළකා එළවළු කල්තබා ගත හැකියි.

 

 

උපදෙස් - ආහාර හා පෝෂණ විශේෂඥ වෛද්‍ය

සෙලී ප්‍රනාන්දු

999 වාරයක් කියවා ඇත අවසන් වරට සංස්කරණය කළේ 2018 ජූලි 23, සඳුදා 12:51
අදහස් එක් කිරීමට ලොග් වෙන්න