රූපලාවන්‍යාගාර සිරස්තල

තරුණී අපෙන් ඔබට

ජනප්‍රියම කාන්තා පුවත්පත වන තරුණී පුවත්පත ලෝකයට ගෙනහැර දක්වන මනාලියන් දැක්මයි මේ. ඔබ මනාලියක් වන ජීවිතයේ සොඳුරුම අවස්ථාව අර්ථවත් කිරීම අපේ ප්‍රාර්ථනයයි. ඔබට සුබ මංගලම්!

ජ්‍යොතිෂය සිරස්තල

නිය අලංකරණය සිරස්තල

2018 ඔක්තෝබර් 02, අඟහරුවාදා 13:10

උස නොයෑම නිසා පසුතැවිල්ලෙන් සිටින ඔබටයි මේ...

ලිව්වේ  ආශිර්වාදිනි හෙට්ටිආරච්චි
අගයන්න
(0 මනාප)
හැඩැති සිරුරක් වෙතින් දිස්වනුයේ මනා පෞරුෂත්වයකි. මේ සඳහා උස ද බෙහෙවින් වැදගත් ය.

 

කෙතරම් හැඩැති සිරුරක් තිබුණත්, ආකර්ෂණීය මුහුණක් තිබුණත් සාමාන්‍ය උසක්වත් නොමැති නම් . . .

උස යෑම හැමදාමත් සිදුවන්නේ නැත. ගැටවර වියේ ආරම්භයත් සමඟින් වන උස යෑම හිරිමල් යෞවනයත් සමඟින් ක්‍රමයෙන් නිමාවට පත් වේ. මේ වයසේ දී ගැහැනු ළමයකු වේවා, පිරිමි ළමයකු වේවා නිසි ලෙස උස නොගියහොත් ඒ කෙනා මහත් අපහසුතාවට ලක් වේ. මානසිකව ඇද වැටේ. හොඳ උසකින් යුතු නොවීම නිසා පෞරුෂත්වය ක්‍රමයෙන් හීනවන්නට පටන් ගනියි. උස නොයෑම නිසා ඉන් මිදීමට විශාල මුදලක් වැය කරමින් විවිධ ඖෂධ සහ ප්‍රතිකර්ම කෙරෙහි ද යොමු වන්නට පටන් ගනියි. මේ කිසිවක සාර්ථකත්වය සියයට සියයක් වන්නේ නැත.

උස ප්‍රමාණය වැඩිකර ගැනීම සඳහා කළයුතු හොඳම ප්‍රතිකර්මය මනා ව්‍යායාම රටාවකට හුරුවීම සමඟ නිවැරදි ආහාර රටාවක් ගැනීමයි. එම නිශ්චිත ව්‍යායාම තුළින් මාංසපේශී නිසිලෙස ඇදීමකට ලක්වීම හා උස වර්ධනයට බලපාන වර්ධක හොර්මෝන පිට කිරීම සිදු වේ. නිවැරැදි ආහාර රටාව තුළින් එම හෝර්මෝන නැවුම්ව ක්‍රියාශීලීව නැවත ගොඩ නැඟේ.

මෙහි දී පොදු කරුණ වන්නේ යම් පුද්ගලයකුගේ උස තීරණය වන්නේ ඔවුන්ගේ ජානමය සාධක මත යි. එය යම්කිසි මට්ටමකින් වැඩි කරලීමට ආහාර හා ව්‍යායාම් කිසියම් දායකත්වයක් දක්වයි. යොවුන් වියට පත්වීමත් සමඟ උස වර්ධනය වීම කෙමෙන් කෙමෙන් අඩුවන අතර ඇතැමෙක් අවුරුදු 22 - 33 දක්වාම උසෙහි වර්ධනය සිදු වේ. ව්‍යායාම සිදු කිරීමෙන් මෙම කාලයෙන් පසුව වුවත් උස අඟල් කිහිපයකින් වැඩි කරගත හැකි වේ.

මෙම ව්‍යායාම සතියකට දින 2 - 3 ක් පමණ සිදු කිරීම ප්‍රමාණවත් ය.

 

(1) Bar Hanging

ගුරුත්වාකර්ෂණයට විරුද්ධව එල්ලී සිටීමෙන් කොඳු නාරටිය සන්ධි තෙරපීමකට ලක් වී, කාටිලේජ සිහින් වී ඇදීමකට ලක් වේ. එමඟින් කිසියම් ප්‍රමාණයකට ශරීරය ඇදීමට ලක් වේ. ඔබ බාර් එකක එල්ලී සිටින විට අත්, උරහිස් හා ඉණ හැකිතාක් සැහැල්ලුවෙන් තබන්න. මෙය තුන්වතාවක් පමණ කරන්න. තත්පර 20 ක් පමණ විවේකීව සිට නැවත එම ව්‍යායාමය කරන්න.

 

(2) Cobra Stretch

මෙය යෝග ව්‍යායාමයක් වන අතර මෙමඟින් පිටකොන්ද ඇදීමකට ලක් වේ. එම නිසා පිටකොන්ද නම්‍යශිලී වීමට උපකාරී වීම හා කොඳු ඇටයේ පුරුක් අතර කාටිලේජ වර්ධනය වීම නිසා උස යයි. සමතලා පොළොවක මුණින් අතට දිගා වී දෙඅත්, අල්ල බිම තබා හැකිතාක් ඉහළට එසවෙන්න. මෙම ව්‍යායාමය තුන් හතර වතාවක් පමණ කරන්න.

 

(3) Forward Spine Strech

පාද ඉදිරියටකර බිම වාඩි වී අත් මඟින් කකුලේ ඇඟිලි තුඩු ඇල්ලීම කරන්න. මුලින් එය අපහසු වුවත් හැකිතාක් ප්‍රමාණයට ඇල්ලීමට උත්සාහ කරන්න.

 

(4) Forward Bend (Touch Your Toes)

මෙය බොහෝදෙනෙක් දන්නා උස වැඩි කිරීමට කරන ව්‍යායාමයකි. කෙළින් හිටගෙන කකුල් උරහිස් ප්‍රමාණයට පළල් කර අත් දෙක ඉදිරියට කර දෙකකුල් ඇල්ලීම. මෙය දණහිස් නොනමා කළ යුතුයි.

 

(5) Rope Skipping

කුඩා කඹයක ආධාරයෙන් ඉහළට පැනීම. මෙය විනාඩි හතරක පමණ කාලයක් කිරීම ප්‍රමාණවත් ය.

 

(6) Swimming

පිහිනීම මුළු ශරීරය සඳහා ම ව්‍යායාම කිරීමට උපකාරී වන දෙයකි. ප්‍රධාන වශයෙන් පාද, දෙඅත්, පිටකොන්දට ව්‍යායාම සිදු වේ. මාංස පේශින් ශක්තිමත් කරන අතර සන්ධිවල (Joints)  පීඩනය, තෙරපුම අඩු කරයි. උස වැඩිකර ගන්නට උනන්දුවන අය පිහිනීම සඳහා එක්වීම ඉතාම වැදගත්ය.

 

(7) Standing Vertical Stretch

කෙළින් හිටගෙන දෙඅත් ඉහළට ඔසවා ඇඟිලි තුඩුවලින් එසවී දෙඅත් ඉහළට අදින්න.

 

(8) Down Hill

දෙඅත් ඉදිරියට ගෙන බිම තබා (V Shape Body)  පාද සමාන්තරව පොළොවට තබා ඉණෙන් ඉහළට එස වී දෙ අත්වලින් හොඳින් අදින්න. වාර හතරක් පමණ කිරීම ප්‍රමාණවත් වේ.

 

(9) Do The Bridge (Pelvic Shift)

උඩුබැලි අතට බිම දිගා වී පාද තම පසු ප්‍රදේශයට නවා දෙඅත් සමාන්තරව දෙපසින් තබා ඉණෙන් ඉහළට එසවෙන්න. ඔසවා වරකට තත්පර 20 - 30 අතර කාලයක් රැඳී සිටින්න

 

(10) Wall Stretch

බිත්තියක් ඉදිරියේ සිටගෙන දෙඅත් බිත්තියේ හැකිතාක් ඉහළින් තබන්න. ඉන්පසු හැකිතාක් තෙරපන්න. මෙම ව්‍යායාමය කරද්දී හැකි නම් ඇඟිලි තුඩුවලිනුත් එසවෙන්න. මෙම ඉරියව්වෙන් තත්පර 4 - 6 පමණ රැඳී නැවත කරන්න.

මේ ඔබේ උස යෑමේ අභිලාෂය එතරම් වෙහෙසක් නොදක්වා කෙටි කාලයක් තුළ දී කළ හැකි සරල ව්‍යායාම් ක්‍රම කිහිපයකි.

 

 

උපදෙස්

'සවික්මෝ' කායවර්ධන මධ්‍යස්ථානයේ කායවර්ධන උපදේශක

රජිත් වර්ණකුලසූරිය

457 වාරයක් කියවා ඇත
අදහස් එක් කිරීමට ලොග් වෙන්න