තරුණී අපෙන් ඔබට

ජනප්‍රියම කාන්තා පුවත්පත වන තරුණී පුවත්පත ලෝකයට ගෙනහැර දක්වන මනාලියන් දැක්මයි මේ. ඔබ මනාලියක් වන ජීවිතයේ සොඳුරුම අවස්ථාව අර්ථවත් කිරීම අපේ ප්‍රාර්ථනයයි. ඔබට සුබ මංගලම්!

විශේෂාංග

2012 ජූලි 06, සිකුරාදා 10:55

යෙහෙළියනේ- මල් කුමරියනේ මනාලියට කල එළියක් වන්නේ

ලිව්වේ  මංජුලා මල්කාන්ති
අගයන්න
(4 මනාප)
මනාලිය තම මංගල දිනයේ අනෙක් සියලු දේ කෙරෙහි අවධානය යොමු කරන්නා සේම යෙහෙළියක සහ මල් කුමරියක් තෝරා ගැනීමේදී වැඩි අවධානයකින් කටයුතු කළ යුතුයි.

බොහෝවිට මනාල යුවළට නොගැළපෙන ආකාරයේ යෙහෙළියක් සහ මල් කුමරියක තෝරා ගෙන ඇති අවස්ථාවන්ද දක්නට ලැබෙයි. මෙහිදී වඩාත් වැදගත්වන්නේ මනාලිය යෙහෙළියන් තෝරා ගන්නාවිට තමන්ට ගැළපෙන ආකාරයේ පෙනුමක් ඇති අය තෝරා ගැනීමයි. මනාලිය සිරුරින් සිහින් අයෙකු තම යෙහෙළිය ලෙස මහත පෙනුමක් ඇති අය තෝරා නොගැනීමටත් තරබාරු පෙනුමින් යුතු මනාලියක නම් තම යෙහෙළියන් ලෙස වඩාත් සිහින් පෙනුමක් ඇති අය තෝරා නොගැනීමටත් වගබලාගත යුතුයි. 

නමුත් බොහෝවිට මේ පිළිබඳ සැලකිළිමත් නොවන අවස්ථාවන්ද නැතුවා නොවේ. මනාලිය පෙනුමෙන් ලාබාල නම් ඇයට වඩා වැඩි වයස් පෙනුමක් ඇති අය තේරීමෙන් ළාබාල පෙනුම තව තවත් ඉස්මතු කර දක්වයි.

මනාලියගේ උස මහතට සහ පෙනුමට සරිලන යෙහෙළියන් තෝරාගන්නට සැලකිලිමත්වන්න. මනාලිය පැහැපත් නම් වඩාත් පැහැයෙන් අඩු අය නොගැළපෙයි. එමෙන්ම මනාලිය මිටිනම් මනාලියට වඩා උස අයද මනාලිය උසනම් ඇයට වඩා, වඩාත් මිටි අයද තෝරා ගැනීම නුසුදුසුයි.

තමන්ට ඥාතීන් වූ පමණනි හෝ සමීපතමයින් වූ පමණින් නොගෙන බැරි නිසා නොගැලපෙන අය මනාලියගේ යෙහෙළියන් ලෙස තෝරා නොගැනීමට වගබලාගන්න. එසේ වුවහොත් මංගල දිනයේදී ඔවුන් ඡායාරූප වලට පෙනීසිටින විට එම නොගැලපීම මතුවී පෙනෙන්නට පුළුවන්.

මල්කුමරියන් තෝරා ගන්නා විටද යම් යම් කරුණු පිළිබඳ ඔබ දැනුවත් වි සිටීම වැදගත්. මෙහිදී ඉතාමත් කුඩා ළමයින් තෝරා ගැනීම සුදුසුනොවේ. වඩාත් කුඩා දරුවන් තෝරාගත් විට ඔවුන්ව අවශ්‍ය ආකාරයට හසුරුවාගැනීමට අසීරුවන අවස්ථාවන් වෙයි.

මල් කුමරියන් සඳහා තෝරාගන්නට සුදුසු වන්නේ වයස අවුරුදු 5-7 ක් අතර අයවළුන්ය. මෙහිදී ලොකු ළමයින් එනම් අවුරුදු 14, 15 වැනි වයස් මට්ටමේ පසුවන අය මල්කුමරියන් ලෙස ගැනීම සුදුසු නොවේ.

හෙහෙළියන්ගේ සහ මල් කුමරියන්ගේ ඇඳුම් නිර්මාණය කරන විටද වර්ණ තෝරා ගන්නා විටද ඒ කෙරෙහි වැඩි අවධානයක් යොමු කිරීම වැදගත්. මනාලිය සැරසෙන්නේ උඩරට සම්ප්‍රදායානුකූලව නම් මල් කුමරියන ට සහ යෙහෙළියන්ට ඒ අනුව ගැළපෙන විලාසිතාවකට ඇඳුම් නිර්මාණය කිරීමටත් මනාලිය පහතරට ක්‍රමයට හෝ බටහිර ක්‍රමයට සැරසෙන්නේ නම් ඒ අනුව ගැළපෙන ලෙස මනාලියගේ හෙයෙළියන්ට සහ මල් කුමරියන්ට ඇඳුම් නිර්මාණය කිරීමට සැලැකිලිමත් වන්න.

මෙහර්‍ණඡ්දී ඔවුන් සඳහා තෝරා ගනු ලබන වර්ණ, මල්කළඹ, හිස් පළඳනා ආදිය ගැනද සැලකිලිමත් වන්න. ආදළ නිර්මාණයට අනුව ගළපා ගන්න.

මේ සියල්ල හොදින් ගැළපෙන ලෙස සකස්කර ගැන්මෙන් කිසිදු අඩුපාඩුවක් නොමැතිව ඔවුන්ගේ සුන්දරත්වය රඳවා ගැන්මට ඔබට හැකිවනු ඇත.

උපදෙස්
ප්‍රවීණ රූපලාවන්‍ය ශිල්පි
කුසුම්සිරි ජයවීර

 

10239 වාරයක් කියවා ඇත අවසන් වරට සංස්කරණය කළේ 2012 ජූලි 06, සිකුරාදා 11:00
අදහස් එක් කිරීමට ලොග් වෙන්න