තරුණී අපෙන් ඔබට

ජනප්‍රියම කාන්තා පුවත්පත වන තරුණී පුවත්පත ලෝකයට ගෙනහැර දක්වන මනාලියන් දැක්මයි මේ. ඔබ මනාලියක් වන ජීවිතයේ සොඳුරුම අවස්ථාව අර්ථවත් කිරීම අපේ ප්‍රාර්ථනයයි. ඔබට සුබ මංගලම්!

විශේෂාංග

  • නත්තල් කෑම බීම රස විඳිමු
    නත්තල් කෑම බීම රස විඳිමු දැන් දැන් නත්තලටයි නව වසරටයි කවුරුත් සූදානම. මුළු පරිසරයම මීදුමෙන් පිරී ගිහින්. නත්තල උදාවෙනවා. මේ මිහිරි නත්තලේ මිහිර විඳින අතරේ ගෙදරට පැමිණෙන අමුත්තන්ට සංග්‍රහ කරන්න සෑම ගෘහණියක්ම හරිම උනන්දුයි.
    තවදුරටත් කියවන්න...
  • වර්ණ ගෙනෙන ගතිපැවතුම්
    වර්ණ ගෙනෙන ගතිපැවතුම් මේ ලෝකය නිර්මාණය වෙලා තියෙන්නෙ මෙතෙකැයි කියන්න බැරි තරම් නානාප්‍රකාර වර්ණයන්ගෙන්. සොබා දහමත් හරිම විසිතුරුයි. ඕනෑම අයකු යම්කිසි වර්ණයකට වඩාත්ම කැමැති වෙන්න පුළුවන්.
    තවදුරටත් කියවන්න...
  • ඔයාට කොලෙස්ටරෝල් ද?
    ඔයාට කොලෙස්ටරෝල් ද? හෘද රෝග කියන්නේ ජීවිතය අවධානමේ හෙළන්නකි. මේ සඳහා බොහෝවිට කොලෙස්ටරෝල් මට්ටම බලපෑම් කරන නිසා කොලෙස්ටරෝල් ඇති රෝගීන් එය පාලනය කරගැනීම කෙරෙහි වැඩි සැලකිල්ලක් දැක්විය යුතුය.
    තවදුරටත් කියවන්න...
  • ඔයාට කොලෙස්ටරෝල් ද?
    ඔයාට කොලෙස්ටරෝල් ද? හෘද රෝග කියන්නේ ජීවිතය අවධානමේ හෙළන්නකි. මේ සඳහා බොහෝවිට කොලෙස්ටරෝල් මට්ටම බලපෑම් කරන නිසා කොලෙස්ටරෝල් ඇති රෝගීන් එය පාලනය කරගැනීම කෙරෙහි වැඩි සැලකිල්ලක් දැක්විය යුතුය.
    තවදුරටත් කියවන්න...
  • නිවෙසේ වැඩ පහසු කරන රහස්
    නිවෙසේ වැඩ පහසු කරන රහස් නිවෙසෙහි වැඩි වැඩ කටයුතු ප්‍රමාණයක් ඉටු වන්නේ ගෘහණිය අතිනුයි. ඒ අතරින් මුළුතැන්ගෙයි විශේෂයි. ඉතිං ඒ කටයුතු ලෙහෙසි පහසු කරගන්න මේ කරුණු අත්වැලක් කර ගන්න ඔබටත් පුළුවන්.
    තවදුරටත් කියවන්න...

ඡායාරූපකරණය සිරස්තල

2014 ජූනි 03, අඟහරුවාදා 14:39

"ස්ටොරි බුක්" එකක් හදනවා නම් මෙන්න අති සුන්දර තැනක් කැලණියේ මානෙල්වත්ත පන්සල විශේෂාංග

ලිව්වේ  ආශිර්වාදිනි හෙට්ටිආරච්චි
අගයන්න
(7 මනාප)
මංගල සිහිනය යථාර්ථයක් වනදා එහි ඇති සජීවී බව දෑස් අභිමුවෙහි හැමදාමත් රඳවාලන්නේ මංගල ඇල්බමයයි.  My wedding Location  ඔස්සේ මෙවර දිග හැරෙනුයේ ඔබේ දෑස් ඉවතට ගන්නට සිත් නොදෙන අපූරු භූමියක් පිළිබඳවයි. මෙය පුණ්‍ය භූමියක් වීම සුවිශේෂීය. කැලණිය, බියගම, බොල්ලෑගල ප්‍රදේශයේ පිහිටි මානෙල් වත්ත පන්සල ඒ අපූරු පුදබිමයි.

සිනමා ලෝලීන් වෙත තිළිණ කළ ශ්‍රී සිද්ධාර්ථ ගෞතම චිත්‍රපටය රූපගත කළේ මානෙල්වත්ත පන්සල නම් වූ මේ පුදබිමේ නිසා එහි මනරම් ස්ථාන ඔබේ සිත්හි ළැගුම් ගත්තාට සැක නැත.

සුදු නෙළුම් හා නිල් මානෙල් සුවඳ දසතම පතුරවමින් පිපී හිනැහෙන වැවක් මධ්‍යයේ සීමාමාලකය ඉදිකොට ඇත. නා වැටියකින් යුතු චෛත්‍යයක්, සිසිල ගෙනෙන බෙලිගහක් පාමුල ඇති ලාෆිං බුද්ධා පිළිමය, අවලෝකේශ්වර බුදුරුව, දඹදිව අනුරුව, තේජාන්විත බවින් ඔද වැඩූ සිංහ අනුරූ, කුට්ටම් පොකුණ, කළුගලින් නිමවූ ස්වභාවික විල, එහි ඒ මේ අත පිහිනනා පාත්තයින්, දුඹුරු පැහැයෙන් ටෙරාසෝ කළ පඩිපෙළ, කපරාරු නොකළ ගඩොල් බිත්ති, පෞරාණික බවේ ප්‍රතිමූර්තියක් බඳු අඩි 20 ක් පමණ උසින් යුතු දොරවල්.... මේ සෑම ස්ථානයක්ම දක්ෂ මංගල ඡායාරූප ශිල්පියකුගේ තෙවැනි ඇසට හසුවීමෙන් සුන්දරත්වයෙන් අනූන වූ මංගල ඇල්බමයක් අවසානයේ ඔබ අතට පත් වනු ඇත.

මෙය තායිලන්ත පන්සලකි. අක්කර 15 – 20 ක පමණ ප්‍රමාණයක රිසි සේ ඡායාරූප ගත හැකියි.

පුණ්‍ය භූමියක දී විනීතව හැසිරීම, පාවහන්, හිස්වැසුම් යනාදිය ගලවා පුණ්‍ය භූමිය ඇතුළත ඡායාරූප ගැනීම වැදගත්ය.

උදෑසන 5.30 පටන් සවස 7.30 පමණ වනතුරු ඡායාරූප ගැනීම සඳහා ඉඩහසර ලැබේ.

වර්තමානයේ ස්ටෝරි බුක් මංගල ඇල්බම බෙහෙවින් ජනපි‍්‍රය අංගයක්ව ඇති නිසා මෙවැනි ස්ථානයක් ඡායාරූප ගැනීම සඳහා තෝරා ගන්නේ නම් විශාල ඡායාරූප එකතුවකින් හොඳම ඡායාරූප කිහිපයක්ම තෝරා ගන්නට අවස්ථාව ලැබේ.

පෝරුව, විවාහය සඳහා අත්සන් තැබීම ඇතුළු සම්පූර්ණ විවාහ මංගල්ලයම පැවැත්වීමට මානෙල්වත්ත පන්සල තෝරාගත හැකි අතර ඔබ දෙපළ අරඹන යුගදිවියට බුදු දහමේ අනුහස් නිබඳවම ලැබෙනු ඇත.

මේ පිළිබඳ වැඩි විස්තර manelwattatemple.com

0112905596, 0776478136 (නයනා) යන වෙබ් අඩවියෙන් හා දුරකථන අංක වෙතින් ලබාගත හැකිවේ.

ඡායාරූප – හිරන්ත ගුණතිලක

 

 

16734 වාරයක් කියවා ඇත අවසන් වරට සංස්කරණය කළේ 2014 ජූනි 03, අඟහරුවාදා 14:44
අදහස් එක් කිරීමට ලොග් වෙන්න