චොකලට්වලින් සකසන ලද ඇඳුම් නිර්මාණ ඇතුළත් විලාසිතා දැක්මක් ප්‍රංශයේ පැරිස් නුවරදී පසුගියදා පැවැත්වුණා. පැරිස් චොකලට් ප්‍රදර්ශනයට සමගාමීව එය සංවිධානය කර තිබුණු අතර වාර්ෂික පැරිස් චොකලට් වෙළෙඳ ප්‍රදර්ශනය ද මේ දිනවල ප්‍රංශයේ පැරිස් නුවරදී පැවැත්වෙනවා.

ලොව විශාලතම චොකලට් ප්‍රදර්ශන අතරින් එකක් ද වන එය, මෙවර පැවැත්වෙන්නේ 24 වැනි වරටයි. එහි ආරම්භය සනිටුහන් කරමින් තමයි චොකලට් ඇඳුම් නිර්මාණය ඇතුළත් විලාසිතා දැක්ම පැවැත්වුණේ.

ඒ සඳහා ප්‍රංශයේ සුපිරි තරු රැසක් සහභාගිවී සිටි බවත් සඳහන්. මෙම චොකලට් විලාසිතා ප්‍රංශ සංස්කෘතියේ එක් සුවිශේෂි අංගයක් ද වෙනවා.

මෙම ප්‍රදර්ශනයේ චොකලට් ඇඳුම් නිර්මාණය කිරීමට අතිදක්ෂ මෝස්තර නිර්මාණ ශිල්පීන් බොහෝදෙනෙකු දායකවී ඇති අතර චොකලට් වර්ග රැසක් ඊට උපයෝගී කරගෙන තිබුණා.

අන්තර්ජාලය ඇසුරිනි