CHOUX PASTRY
පේස්ට්‍රි කියන්නේ කොච්චර කෑවත් එපා වෙන්නේ නැති කෑමක්. ගෙදරම හදාගන්න එක ටිකක් විතර කාලය ගතවෙන සහ මහන්සිදායක වැඩක්.
ඒත් එහෙම කියලා රසය, ගුණය අමතක කරන්න බැහැනේ. අද මේ කියන්න යන්නේ හවස තේ පැන් සංග්‍රහයකට වුවද ගැළපෙන පේස්ට්‍රි කෑම කිහිපයක් ලෙහෙසියෙන් හදාගන්න පුළුවන් විදිහයි.
ඉතින් ගෙදරදීම අවන් එකකින් බේක්කර කෑම හදාගන්න අපූරු අත්දැකීමකුත් ඔබට ලැබේවි.
පාන්පිටි ග්‍රෑම් 300ක්
මාගරින් ග්‍රෑම් 200ක්
ලුණු කුඩු තේ හැඳි එකක්
සීනි මේස හැඳි එකක්
වැනිලා ස්වල්පයක්
වතුර මිලිලීටර් 500ක්
බිත්තර 4 – 5ක්
01. වතුරට ලුණු එකතුකර හොඳින් උතුරන විට මාගරින් මිශ්‍රකර උණු කරගන්න. එයට සීනිද මිශ්‍ර කරගන්න. පසුව ළිපේ ගින්දර අඩුකර පිටි එකතුකර මිශ්‍ර කරගන්න.
02. ළිපෙන් ඉවතට ගෙන හොඳින් නිවාගන්න. බිත්තර එක බැගින් මිශ්‍රකර බීට් කරගන්න. වැනිලා ද මිශ්‍ර කරගන්න.
03. පසුව තෙල් තවරන තැටියකට පයිපින් බෑග් එකකට මිශ්‍රණය පුරවා අග කොටස අඟලක ප්‍රමාණයට කපාගන්න. තැටියට විෂ්කම්භය අඟල් 2×3 සිටින රවුම් හැඩයට පයිපින් කරගන්න. සෙල්සියස් අංශක 180ක උෂ්ණත්වයකට විනාඩි 15ක් 25ක් බේක් කරගන්න.
04. මෙම මිශ්‍රණය හරි විදිහට හදා ගන්න නම් බේක් කරගත් කුඩා බනිස් හරස් අතට කැපූ පිට ඇතුළ සිදුර තිබිය යුතුයි. එය තුළට තමන් කැමති පිරවුමක් පුරවා ගත හැකියි.
Doughnut
පාන් පිටි ග්‍රෑම් 500ක්
ඊස්ට් ග්‍රෑම් 10ක්
බිත්තර 01ක්
කිරිපිටි ග්‍රෑම් 20ක්
මාගරින් ග්‍රෑම් 60ක්
ලුණු කුඩු ස්වල්පයක්
සීනි ග්‍රෑම් 50ක්
චොකලට් සෝස් (අවශ්‍ය නම්)
වතුර ස්වල්පයක්
01. ඇල්මැරුණු වතුර මේසහැඳි හයට සීනි තේ හැඳි එකක් දමා ඊස්ට් එකතු කරන්න.
02. පිටිවලට කිරිපිටි, ලුණු, සීනි සහ මාගරින් මිශ්‍රකර අනාගන්න.
03. පිපුණු ඊස්ට් මිශ්‍රණය ද බීට් කරගන්න. බිත්තරය ද එකතුකර වතුර ටික ටික එකතු කරන්න.
04. භාජනයකට තෙල් ටිකක් තවරා මෝලිය පිටි මිශ්‍රණය දමා පැයක් වසා තබන්න.
පිපුණු මෝලිය අතෙන් තදකර ඉවතට ගෙන ග්‍රෑම් 60ක කුඩා බෝල කඩාගන්න.
අඟල් 1/2ක ඝනකමට රවුමට තුනීකර මැදින් අඟල් එක ප්‍රමාණයේ කුඩා රවුමක් කපා ඉවත් කරගන්න.
05. තැටියක තෙල් තවරා ප්‍රමාණය දෙගුණ වනතුරු තබන්න.
06. පෑන් එකට තෙල් දමා (ගැඹුරු තෙලේ බැදීමට අවශ්‍ය තරම්) ඩෝනට් තෙලට දමා මඳ ගින්දරේ දෙපැත්ත පෙරළා බැදගන්න.
07. පසුව චොකලට් සෝස් හෝ සීනි තවරා ගත හැකියි.
BRIOCHE
පාන්පිටි ග්‍රෑම් 250ක්
සීනි ග්‍රෑම් 15ක්
යීස්ට් ග්‍රෑම් 10ක්
නැවුම් කිරි මිලිලීටර් 70ක්
බිත්තර 01ක්
ලුණු හැඳි 01ක්
මාගරින් ග්‍රෑම් 20ක්
ඇල්මැරුණු උණුවතුර මිලිලීටර් 5ක්
01. කිරි, සීනි, වතුර, බීට් කරගත් බිත්තරය, සීනි, ඊස්ට් මිශ්‍රකර විනාඩි පහක් දහයක් තබන්න.
02. පිටි, මාගරින්, ලුණු කුඩු මිශ්‍රකර හොඳින් අනාගන්න.
03. පසුව කප් කේක් තැටිවලට තෙල් තවරාගන්න. මිශ්‍රණයෙන් ග්‍රෑම් 25ක් බෝල සාදා හොඳින් කප් කේක් තැටියට දමන්න.
04. මෙය තැටිය තුළ පිපෙන්න තබා බිත්තරයක් ගෙන සීනි තේ හැඳි එකක් දමා බීට් කරගන්න.
05. BRIOCHE මත හොඳින් තවරා ලොකු පෝනුවක නම් සෙල්සියස් අංශක 200ක උෂ්ණත්වයකින් විනාඩි 25න් පුලුස්සා ගත හැකියි.
SHORT CRUST PASTRY
පාන් පිටි ග්‍රෑම් 250ක්
බිත්තර කහමද 01ක්
මාගරින් ග්‍රෑම් 125ක්
වතුර හෝ කිරි මිලිලීටර් 50ක්
සීනි තේ හැඳි එකක්
ලුණු කුඩු ස්වල්පයක්
පිරවුම සඳහා
රටඉඳි ග්‍රෑම් 250 ක්
මිශ්‍ර පලතුරු ග්‍රෑම් 100ක්
කජු ග්‍රෑම් 50ක්
වතුර කප් 1/2ක්
01. රටඉඳිඇට ඉවත්කර කුඩාවට කපා වතුර කප් භාගයක් මිශ්‍ර කරන්න. සීනි දමා හොඳින් තම්බා පොඩි කරගන්න. බෝලයක් ආකාරයට මෙය අනාගන්න.
02. පසුව අඟල් 1/2ක් පමණ ඝනකමට කොටුවක් ආකාරයට තුනී කරගන්න.
03. විනාඩි තිහක් ශීතකරණයේ තබා ඉවතට ගෙන කොටස් දෙකකට බෙදා අඟල් භාගයක ඝනකමට හතරැස් කොටුවකට එන ලෙස තුනී කරගන්න.
04. පසුව පිරවුම පුරවා තුනී කරගන්න. සෙල්සියස් අංශක 180ට රත් වූ පෝරනුවක විනාඩි 30ක් පමණ බේක් කරගන්න.
අවශ්‍ය ප්‍රමාණයට කෑලි කපා ගන්න.
අචිනි ලක්මාලි චන්ද්‍රසේකර
