2
ලෝක වාර්තාවක් තැබූ තාරකා විද්‍යා සම්මානලාභී රත්නපුරේ රුසින් තත්සර තාරකා විද්‍යා ග්‍රන්ථ 14ක් පමණ රචනා කර පසුගියදා “හෙළ සුජාත පුත්‍රයන්ගේ මෞලි මංගල්‍යය -පුරවැසි අබිමන් 2025″සම්මාන උළෙලේ “National Youth Pride Astronomy Excellence” සම්මානයට පාත්‍ර විය. ඒ තරුණයෙකු ලෙස තාරකා විද්‍යාවට කරනු ලැබූ සේවය නිසාය.
මෙරට කීර්තිමත් තාරකා විද්‍යාඥයෙකු වන අනුර සී.පෙරේරා මහතාගේ ශිෂ්‍යයෙකු වන මොහු Ceylon Foundation for Policy Analysis ආයතනයේ ප්‍රතිපත්ති විශ්ලේෂකයෙකු ලෙස ද කටයුතු කරන ඔහු අනුර සී. පෙරේරා මහතා සමඟ ලංකාව පුරා තාරකා විද්‍යා දේශන පැවැත්වීමට ද කටයුතු කරයි.
රත්නපුර සීවලී විද්‍යාලයේ ඉගෙනුම ලැබූ රුසින් තත්සර මොරටුව විශ්වවිද්‍යාලයේ ගොඩනැඟිලි ආර්ථික විද්‍යා දෙපාර්තමේන්තුවේ අවසන් වසරේ ශිෂ්‍යයෙකි.
ඔහු විසින් තාරකා විද්‍යාව සම්බන්ධ ග්‍රන්ථ රැසක් රචනා කොට තිබේ.
