රැකියාවට යන ඔබ වෙනුවෙන් කොටු හැඩයට මැසූ ලන්ච් බෑග් එකකි. කෑම එක, වතුර බෝතලය හා කුඩය වැනි දෑ ගෙන එන්නට මේ බෑගය කදිමයි. මැහුමට ගෙතුමට දස්කම් දක්වන්නේ නම් ඒ හැකියාවත් එකතුකර ගනිමින් මේ බෑග් විලාසිතාව ඔබේම අතින් මසා ගත හැකියි.

අවශ්‍ය ද්‍රව්‍ය

හෑන්ඩ්ලූම් රෙදි මීටර් ½ ක්

කැම්බ්‍රෙල්ලා රෙදි මීටර් ½ ක්

ෂිපර් අඟල් 17 ක්

ෂිපර් හෙඩ් 1 ක්

රෙදි කපන අයුරු

පළමුව රූප සටහනේ පෙනෙන ආකාරයට මිමිවලට රෙදි කොටස් හා ලයිනිං කොටස් කපා ගන්න. ඉන්පසු එම රෙදි කොටස්වල යටට ලයිනිං තබා මසා ගන්න.

මෙහි ඒ කොටස එනම් බෑගයේ ඉදිරිපස හා පිටුපස කොටස් අවශ්‍ය නම් පමණක් උඩින් දෙපැත්ත වක්‍ර කරගත හැකිය.

උපදෙස් - ප්‍රවීණ බෑග් නිර්මාණ ශිල්පිනී

දීපිකා රාජපක්ෂ

2020/09/23 තරුණි බලන්න.