රසවතිය රසවත් කරගමු නිවෙසක, මුළුතැන්ගෙය නිෙවසේ හදවත වන අතර, මුළුතැන්ගෙය සඳහා වාස්තු සලකා බැලිය යුතු වැදගත්ම සාධකයකි. ආහාර පිසීම සහ රසවත් ආහාරයක් පිළියෙල කිරීම සඳහා කුස්සියේ සැලකිය යුතු කාලයක් ගත විය හැකිය. එහි ප්රතිඵලයක් වශයෙන්, සකස් කරන ලද ආහාර පෝෂණය 
පමණක් නොව ධනාත්මක ශක්තියෙන් ද පිරිී ඇති බව සහතික කිරීම සඳහා මුළුතැන්ගෙයට වාස්තු මූලධර්ම යෙදීම ඉතා වැදගත් වේ.
වාස්තු මූලධර්ම මඟින් කායික හා චිත්තවේගීය යහපැවැත්ම ප්රවර්ධනය කරන ධනාත්මක ශක්තිය විමෝචනය කිරීමෙන් නිෙවසක් සිහින නිවහනක් බවට පරිවර්තනය කරයි. නිවැරදි කාමර දිශානතිය, ප්රමාණය සහ පවුලක සෞඛ්යය, ධනය සහ සමස්ත යහපැවැත්ම කෙරෙහි ධනාත්මක බලපෑමක් ඇති කරයි.
විශ්වය සෑදී ඇත්තේ පංචභූත ලෙස හඳුන්වන මූලද්රව්ය පහකිනි: ජලය, ගින්න, පස, වාතය සහ අවකාශය යන ඒවාය. නිවෙසක් සැලසුම් කිරීමේදී මෙම සියලු අංග සමතුලිතව පවතින විට එය සතුට, ධනය සහ යහපත් සෞඛ්යයට හේතු වේ. මුළුතැන්ගෙය අග්නි හෙවත් විශ්ව ගින්න නියෝජනය කරයි. ආශාවෙන් ආහාර පිසීම සහ අමු ආහාර පෝෂ්යදායී ආහාර වේලක් බවට පරිවර්තනය කිරීම මඟින් ගිනි ශක්තිය මුළුතැන්ගෙයක් තුළ ජනිත කරයි.
ඕනෑම නිවෙසක ගිනිකොන කෙළවර කුස්සියක් සඳහා හොඳම ස්ථානයයි. එය කළ නොහැකි නම්, වයඹ කෙළවර ඊළඟ හොඳම විකල්පයයි. නමුත් එහිදී වියදම් වැඩි වීමට හෝ අනතුරු වීමට ඉඩ ඇති බව මතක තබා ගත යුතුයි. ඊශාන කෙළවරේ කුස්සියක් පිහිටීම නිසා මානසික ආතතිය හා ආහාර අපතේ යෑම සිදු වන අතර, නිරිත කෙළවරේ මුළුතැන්ගෙය පවුලේ ගැටුම් ඇති කරයි.
විවිධ දිශාවන් සහිත මුළුතැන්ගෙය සඳහා වාස්තු නැඟෙනහිර මුහුණලා ඇති නිෙවස
• මුළුතැන්ගෙය ගිනිකොන කෙළවරේ තිබිය යුතුය.
• උඳුන සඳහා සුදුසුම ස්ථානය නැඟෙනහිර පැත්තයි.
• සින්ක් (Wash basin) උතුරු දිශාවට විය යුතුය.
දැව නියෝජනය කරන වායු මූලද්රව්ය මඟින් පාලනය වන නැඟෙනහිරින් සූර්යයා නැඟෙන විට, ගින්න දැල්වීමට අවශ්ය ශක්තිය ලැබේ. කුස්සියේ වර්ණ පටිපාටිය සඳහා කොළ සහ දුඹුරු වැනි වර්ණ සුදුසු වේ.
• කහ, රන්වන්, සුදු සහ අළු වර්ණවලින් වළකින්න.
• මුළුතැන්ගෙයි කවුන්ටරය දුඹුරු හෝ කොළ පැහැ විය හැකිය.
උතුරට මුහුණලා ඇති නිෙවස
• වයඹ දිශාවේ මුළුතැන්ගෙය ස්ථානගත කරන්න.
• පෝරණුව නැඟෙනහිර දිශාව ඔස්සේ විය යුතුය.
• මුළුතැන්ගෙය ඊශාන දිශාවේ ස්ථානගත නොකරන්න.
• සුදු, නිල් සහ කොළ සුදුසු වර්ණ වේ.
බටහිර මුහුණලා ඇති නිවස
• කිසිවිටෙකත් නිවෙසේ නිරිතදිග හෝ ඊසාන කෙළවරේ කුස්සිය ස්ථානගත නොකරන්න.
• ගිනිකොන හෝ වයඹ කුස්සිය සඳහා සුදුසු ස්ථාන වේ.
• පෝරණුව නැඟෙනහිර බිත්තියේ තිබිය යුතුය.
• අභ්යවකාශ මූලද්රව්යය බටහිර දිශාව පාලනය කරයි. එබැවින් සුදු, අළු, කහ සහ රන්වන් වර්ණ භාවිත කරන්න.
• කොළ, රතු සහ දුඹුරු වැනි වර්ණ භාවිත කිරීමෙන් වළකින්න.
දකුණට මුහුණලා ඇති නිෙවස
• ගිනිකොන හෝ වයඹ සුදුසු ස්ථාන වේ.
• පෝරණුව මුළුතැන්ගෙයෙහි නැඟෙනහිර හෝ ගිනිකොන දෙසින් තිබිය යුතුය.
• ගබඩා කිරීම දකුණ හෝ බටහිර දෙසින් තිබිය යුතුය.
• මෙරූන්, දුඹුරු හෝ කොළ පැහැති වර්ණ භාවිත කරන්න. නිල් හෝ කළු වර්ණයෙන් වළකින්න.
වාස්තු විද්යානුකූල මුළුතැන්ගෙයක තිබිය යුතු ලක්ෂණ:
• උඳුන සහ උඳුන වැනි ආහාර පිසීමේ පෝරණුව සඳහා සුදුසුම ස්ථානය නැඟෙනහිර හෝ ගිනිකොන දිශාවයි.
• ආහාර පිසීමේදී නැඟෙනහිර දෙසට මුහුණ දිය යුතුය.
• කරාම, සේදුම් බේසම් සහ පානීය ජලය ඊශානදිග කෙළවරේ තිබිය යුතුය.
• ශීතකරණය කුස්සියේ බටහිර පැත්තේ තිබිය යුතුය.
• උඳුන්, මයිෙක්රාවේව්, බ්ලෙන්ඩර් සහ මික්සර් වැනි සියලුම විදුලි උපකරණ ගිනිකොන හෝ දකුණු දිශාවේ තබන්න.
• වියළි ආහාර තොග ගබඩා කරන රාක්ක දකුණු හෝ බටහිර දිශාවට විය යුතුය.
• මුළුතැන්ගෙයට ස්වාභාවික ආලෝකය ඇතුළු වීමට නැඟෙනහිර සහ උතුරු දෙපස විශාල ජනේල මඟින් වාතාශ්රය ලැබිය යුතුය.
• කුස්සියේ කෑම මේසයක් අවශ්ය නම් එය බටහිර හෝ වයඹ පැත්තේ විය යුතුය.
ආහාර පිසින පුද්ගලයාගේ පිටුපස මුළුතැන්ගෙයි දොර දෙසට නොසිටිය යුතුය.
• සුවපහසු ලෙස ආහාර පිසීමට ප්රමාණවත් ඉඩකඩ සහ වාතාශ්රය ඇති බව සහතික කරගන්න.
• උඳුන පවුලේ ධනය නියෝජනය කරන බැවින් එය පිරිසුදුව හා නිසි ලෙස නඩත්තු කළ යුතුය.
• කිසිවිටෙකත් ඔබේ මුළුතැන්ගෙය පඩිපෙළ යට හෝ වැසිකිළිය යට පිහිටුවන්න එපා; එය පවුලේ සෞඛ්යයට අහිතකර ලෙස බලපානු ඇත.
අවසාන වශයෙන්, මෙම සාම්ප්රදායික සැලසුම් ක්රමවල අභිප්රාය විද්යාත්මක පදනමක් සහිතය. එනම් නිවෙස තුළට හිරු එළිය ගෙන ඒම, හොඳ වාතාශ්රය ලබා දීම සහ සොබාදහමට හැකි තරම් සමීප ද්රව්ය භාවිත කිරීමයි. මහල් නිවාසවල මුළුතැන්ගෙයට සියලු වාස්තු මූලධර්ම ඒ අයුරින්ම යෙදිය නොහැකි වුවද, හැකි උපරිමයෙන් මෙම මාර්ගෝපදේශ අනුගමනය කිරීම යහපත් වේ.
TEXT – සඳලි සත්සරණි
