හරි ලස්සන කුරුලු ජෝඩුවේ
 මගෙ තනියට පුතා ගෙනාවේ
 මගෙ පාළුව මකා දෙන්න
 සිංදු කියන්නෙ
 හැමදා මගෙ ළඟින් ඉන්න කුරුලු ජෝඩුවේ...
 
 කුරුලු යුවළ ගෙදර තබා
 පුතා බෝඩිමේ
 මට අත්තටු ලැබෙනවා නම්
 පියාසලා හනි හනිකට
 ඔයා ළඟට එනවනේ පුතේ...!
 
 

 
 වෙල් එළියේ
 කමත් බිමේ
 මැඩුවන් මත
 තනිවූහ අප දැක
 
 වළා මතින් මතු වූහ
 සඳ ගලා හැලූ
 සඳ දිය
 
 හැඩ කළා ඇගේ
 මුව කමල
 දැකීමෙන් එයි හැඩ
 මාහඳ පා
 හැමූ මඳනලින්
 
 නැටවුණු කිහිඹු රැලි
 ඇගේ උවන මත
 මැවු රටා
 මහද අවදි කරයි
 සැඟව ගිය පෙම් සිතුවිල්ල
 කරයි මට ඇවිටිලි
 රෝස පෙති වන්
 තොල්පෙති වෙත
 නැඹුරුවන විට මා
 සිහියට ආවා
 කොවිඩ් වසන්තය ගැන
 මීටරයක් ඈත් කළා - අප දෙදෙනා
 එතැන් සිට