වර්ෂ 2024 ක්වූ November 18 වැනිදා Monday
තරුණී මාධ්‍ය අනුග්‍රහය දැක්වූ ඇඹිලිපිටියේ සඳ රූ සොබා
රූපලාවණ්‍ය ක්ෂේත්‍රයේ වසර විසි පහක අත්දැකීම් ඇති ප්‍රවීණ රූපලාවණ්‍ය ශිල්පිනී දේවිකා අරඹගේ මෙහෙයවූ ‘සඳ රූ සොබා’ රූපලාවණ්‍ය වැඩමුළුව හා ඩිප්ලෝමා ප්‍රදාමෝත්සවය පසුගිය දා ඇඹිලිපිටිය සරත්චන්ද්‍ර ගෙස්ට් හවුස් හි දී අති උත්කර්ෂවත් අන්දමින් පැවැත්විණි.
එම විශේෂ අවස්ථාව සඳහා තරුණී ප්‍රධාන කර්තෘ මනෝලි සුබසිංහ, කොස්මික් ආයතනයේ ප්‍රධාන කළමනාකරු චෙල්වම් සහ ප්‍රවීණ රූපලාවණ්‍ය ශිල්පීන්, ඇඳුම් නිර්මාණ ශිල්පිනියන් ඇතුළු පිරිස
සහභාගි විය. නවක රූපලාවණ්‍ය ශිල්පිනී සඳමාලි වික්‍රමගේ මෙම රූපලාවණ්‍ය වැඩමුළුව සංවිධානය කරන ලදී.
එහිදී නිවැරැදිව ෆේෂල් එකක් සිදු කරන අයුරු, මේක් අප් භාවිතය, කොණ්ඩා සැකසීම, මනාලියන් හැඩගැන්වීම ආදී සියල්ලක් පිළිබඳ දැනුම ලබා දෙනු ලැබීය.
වැඩමුළුව අවසානයේ මනාලියන් දැක්මේ තරගයක් ද පැවැත්විණි. මේ එම ‘සඳ රූ සොබා’ රූපලාවණ්‍ය හා ඩිප්ලෝමා ප්‍රදානෝත්සවයේ විශේෂ අවස්ථා කීපයකි.
