හැම කාන්තාවක්ම කැමැතියි රූ සපුව ලස්සනට තියාගන්න. හැමෝම ඉදිරියේ කැපී පෙනෙන විදිහට ඉන්න. නමුත් ගොඩක් අය දන්නෙ නැහැ ලස්සනට, පිළිවෙළට, පිරිසුදුව ඉන්නෙ කොහොමද කියලා.

ඒ ගැන ඒ තරම් අවබෝධයක්, දැනුමක් බොහෝ අයට නැහැ. කොහෙන් හෝ කාගෙන් හෝ අහුලා ගත්ත තොරතුරු මත තමයි තමන්ගෙ හැඩ රුව හදාගන්න බලන්නෙ. ඒ හින්දම මේක්-අප් කරන්න, ලස්සනට ඉන්න උත්සාහ කරන අපේ කාන්තාවෝ අමාරුවෙ වැටෙනවා.

අපිට කතා කර රුව ගැන, තමන්ගේ පෞද්ගලික දේවල් පිළිබඳ අපෙන් ප්‍රශ්න නඟන නිසාම තරුණී අප මේ ගැන දැනුවත්. ඒ හින්දාමයි ලස්සනට ඉන්න හිතන ඔබට හරියාකාරව ලස්සන වෙන විදිහ මෙලෙසින් ගෙන එන්නේ.

රූපයෙන් තමන් අවලස්සනයි කියලා හිතින් දුක්වෙන, බාහිරට මුහුණ දෙන්න අකැමැති ඔබට පුළුවන් මේක්-අප් මඟින් සුන්දර පෙනුමක් ලබාගන්න. ඒ හින්දා අපි ගෙන එන මේ ලිපි පෙළ ඔබේ ජීවිතයටත් සමීප කරගෙන ඔබත් ලස්සන වෙන්න.

make-up  කිරීමෙන් අපිට අපේ ලස්සන ඉස්මතු කරගන්න පුළුවන්. කාන්තාවකගේ ආත්ම විශ්වාසය ගොඩනඟා ගැනීමටත් make-up  ඉවහල් වෙනවා. එම නිසා අපගේ ජීවිතයේ වැදගත් අංගයක් ලෙස make-up  ප්‍රචලිත වී තිබේ.

රූපලාවණ්‍ය ආම්පන්න අලෙවි කරන වෙළෙඳසල්වල මේක්-අප් ද්‍රව්‍ය හිතේ හැටියට තෝරගන්න තියෙනවා. එකම කාර්යය සඳහා විවිධ වෙළෙඳ නම්වලින් නිෂ්පාදන ගණනාවක්ම දැකගත හැකියි. මෙලෙස තෝරාගැනීමට ඇති පුළුල් පරාසය නිසා ඔබ මේ දෙවල් තෝරාගැනීමේ දී make-up  පිළිබඳ දැනුමක් ඇති වෘත්තීය මට්ටමේ නිපුණතාවක් ඇති අයගේ උපදෙස් පැතීම අනිවාර්යයෙන් කළ යුතු දෙයක්.

සමහර අය මුහුණේ කුරුලෑ කැලැලි හෝ වෙනත් අවපැහැ ගැන්වුණු කළු ලප වසා ගැනීමට make-up  භාවිත කරයි. මේ සඳහා භාවිත කරන ද්‍රව්‍යවල ගුණාත්මක බව සොයා බැලීම අත්‍යවශ්‍ය වේ. අද දවසේ වෙළෙඳ පොළේ ඇති ආලේපන වර්ග සඳහා භාවිත කරන සමහර අමුද්‍රව්‍ය සමට හානිකර වන නිසා අප ඒ පිළිබඳ උනන්දු විය යුතුයි. එම නිසා ගුණාත්මක බවෙන් ඉහළ make-up  ද්‍රව්‍ය අනුමත කළ හැකියි.

මේක්-අප් එකක් කිරීම තුළින් අපි බලාපොරොත්තු වන්නේ අපි make-up  කරගෙන සිටින කාලය පුරාම හොඳ පෙනුමක් ලබාදීමයි. කල් පැවැත්ම හැමවිටම අවශ්‍ය වන්නේ අපිට නිතර නිතර make-up  කිරීමට දවස පුරාම කාලයක් නොමැති නිසයි. එම නිසාම නිෂ්පාදන මිලදී ගැනීමේ දී කල් පැවැත්ම, අපේ අවශ්‍යතාවන්ට ගැළපෙනවා ද යන්න බලා ද්‍රව්‍ය මිල දී ගත යුතුයි.

2019/10/23 තරුණි පුවත්පත බලන්න.