වානරයාගෙන් පැවැත එන මිනිසා වර්තමාන ඍජු දේහ විලාසය දක්වා විකාශනය වී ඇත්තේ ක්‍රමවත් රූප විපර්යාසයක් ඔස්සේයි. මෙසේ ඍජු දේහ විලාසයක් ලැබී තිබීම මිනිසා අනෙක් සත්ත්වයන්ගෙන් පහසුවෙන් වෙන්කර හඳුනාගැනීමට ඉහවල් විය. කොඳු ඇට පෙළක් සහිත සත්ත්වයෙක් වීම නිසා මිනිසා පෘෂ්ඨවංශී සත්ත්ව කාණ්ඩයට අයත් වේ.

ශරීරය ඍජුව පවත්වාගෙන යාමට මෙන්ම එදිනෙදා බොහෝ කටයුතු කරගැනීමට මෙම කොඳු ඇට පෙළ බොහෝ සේ උපකාරී වේ. කශේරුකා වලින් සෑදී ඇති මෙහි පොඩි වෙනස්වීමක් වුව වේදනාවක්, කැක්කුමක් ඇති කිරීමට සමත් වේ.

විශේෂයෙන්ම වැරැදි ඉරියව් හා පුරුදු නිසා මෙම තත්ත්වයට පත්වන පිරිස් බොහෝය. කොන්දේ ආබාධ නිසා ශරීරයේ ඍජුභාවයට මෙන්ම නිරෝගීභාවයටත් බලපෑම් එල්ල වන බව වර්තමාන වෛද්‍ය දත්ත මඟින් හෙළි වී ඇත.

අනතුරුවලටත් වඩා වැරැදි ඉරියව් නිසා මෙම තත්ත්වයට පත්වූවන්ගේ ප්‍රතිශතය ඉහළ ගොස් ඇත. මෙම තත්ත්වයෙන් ආරක්ෂාවීමට සැලකිල්ලට ගතයුතු වැදගත් කරුණු කිහිපයක් ඔස්සේ ඔබව දැනුවත් කිරීමට අද අප අදහස් කළේ ඕනෑම රෝගයක් වැළඳීමට පෙර ඉන් ආරක්ෂා වීම බොහෝ වැදගත් වන නිසාවෙනි.

එදිනෙදා වැඩකටයුතු කරන විටදී අප එතරම් නොසිතන අපේ ශරීර ඉරියව් නිසා අප සිරුර ඍජුව, නිරෝගීව තබාගැනීමට උපකාරී වන කොඳු ඇට පෙළට හානි සිදුවිය හැකියි. ඔබ නොසිතන එම වැරැදි ඉරියව් පෙන්වා දීමට මෙන්ම නිවැරැදි ලෙස ක්‍රියාකිරීමට මෙම උපදෙස් මාලාව උපයෝගී වනු ඇත.

කොන්ද ආරක්ෂාකර ගැනීම සඳහා නිවැරැදි ඉරියව් පුහුණු වීම

ඉඳගැනීමේ සහ සිටගැනීමේ ඉරියව්වලදී කශේරුවට සහ කශේරු මඬලට බර ක්‍රියාකරන අයුරු

බොහෝවිට කොන්දේ කැක්කුම ඇතිවන්නේ ඔබගේ වැරැදි ඉරියව්වල ප්‍රතිඵලයක් ලෙසය. වැරැදි ඉරියව්වලදී, කොඳු ඇට පෙළ ආශි‍්‍රත ව්‍යුහයන් අනවශ්‍ය තෙරපීම්, ඇදීම්වලට ලක්වේ. (අන්තර් කශේරුක මඬල, සන්ධී බන්ධනී හා මාංශ පේශී)

කොන්ද ඍජුව තබාගැනීමෙන් ශරීරයේ ඉහළ කොටසේ බර ක්‍රමානුකූලව කශේරුවෙන් කශේරු මඬලට සම්ප්‍රේෂණය වේ.

* ඉහත රූපයේ පෙනෙන පරිදි ඉඳගෙන සිටින විටකදී හෝ සිටගෙන සිටින විටකදී ඔබ ඉදිරියට නැවෙන විට සැලකිය යුතු තරම් තෙරපීමක් කොඳු ඇට පෙළ මත ඇති වේ. එමඟින් අන්තර් කශේරුක මඬලට හානි පැමිණිය හැක. (එමඟින් ස්නායු සන්ධි, මාංශ පේශී, බන්ධනී උද්දීපනය විය හැක.)

කශේරුක මඬලට සම්ප්‍රේෂණය වන බලය ක්‍රමානුකූල නිසා එක් දිශාවකට සම්පීඩනය වැඩි වේ. (එම දිශාවට නෙරා යා හැක)

* කොඳු ඇට පෙළෙහි එක් ඛණ්ඩයක් මතට ඇතිවෙන පීඩනය, එහි වක්‍රතාවය වැඩිවන විට (ඉදිරියට නැමීමේදී) වැඩිවන බව ඉහත ප්‍රස්ථාරයෙන් පෙනේ.

* ඒ අනුව ඉඳගෙන සිටිනවාට වඩා සිටගෙන සිටින විට පීඩනය අඩුබව පෙනේ.

* අඩුම පීඩනයක් ඇත්තේ වැතිර සිටින ඉරියව්වේය. වෛද්‍යවරු ඇඳ විවේකය නිර්දේශ කරන්නේ ඒ නිසාය. වැඩිම පීඩනයක් ඇත්තේ පුටුවක ඉඳගෙන සිටින විටකදී ඉදිරියට නැමී බර වස්තුවක් අහුලා ගන්නා විටදීය.

* නිවැරැදි ඉරියව් හා ක්‍රමානුකූලව උදරයේ හා පිට කොන්දේ මාංශ පේශී පුහුණු කිරීමෙන් කොඳු ඇට පෙළ මතට පැමිණෙන බර අඩුකර ගත හැක. එමඟින් වේදනාව අඩුකර ගත හැක. මෙය විශේෂයෙන් කොඳු ඇට පෙළෙහි පරිහානික රෝගවලට ලක්වූවන්ට මහත් උපකාරී වේ.

සිටගෙන සිටින විටකොන්ද ඍජුව ක්‍රියාකාරීව තබාගෙන සිටගන්න.

* කුදු වී ඉදිරියට නෙරීමෙන් කොඳු ඇට පෙළෙහි ඇති බන්ධනී අනවශ්‍ය ඇදීම්වලට ලක්වේ.

මෙහි දීර්ඝකාලීන ප්‍රතිඵලයක් ලෙස ඔටු කුදය (ම්රනඩධඵඪඵ) ඇතිවිය හැක. (එමඟින් උරස් කුහරයේ පරිමාව අඩුවිය හැක.)

ඉඳගෙන සිටින විට

තම සිරුරේ ප්‍රමාණයට සුදුසු පුටුවක කොන්ද කෙළින් තබාගෙන ඉඳගන්න. උකුළෙන් හා දණහිසෙන් 900 පමණ නවා ඉඳගන්න. පාදයේ පතුල සම්පූර්ණයෙන් පොළොව මත ස්පර්ශ විය යුතුය.

* ඉණ හා කඳ කොටස ඍජුව තිබිය යුතුය.

* පතුල පොළොවේ ස්පර්ශ නොවේ නම් අවශ්‍ය ප්‍රමාණයට ලෑල්ලක් පතුල යටින් තබාගන්න.

ඉඳගෙන මේසයක් මත වැඩකරන විට

* මේසයට ආසන්නව ඉඳගන්න.

* පුටුව අවශ්‍ය ප්‍රමාණයට වඩා උස වුවහොත් ඉදිරියට කොන්ද නැවීමට සිදුවේ. එම නිසා පුටුව බොහෝ උස් නොවිය යුතුය.

මේසයේ තලය තිරසට 150 ක් පමණ ආනතවී තිබීම පහසු වනු ඇත.

* ඔබ දීර්ඝ වේලාවක් ඉඳගෙන හෝ සිටගෙන සිටින විට කොන්ද අනවශ්‍ය පීඩනවලට ලක්විය හැක.

පුටුවක ඉඳගෙන සිට නැඟිටින විට

* කොන්ද කෙළින් තබාගෙන හැකිතරම් පුටුවේ කෙළවරට පැමිණෙන්න.

* නවා සිටින උකුළ හා දණහිස් සන්ධි එකවර දිග හරින්න.

* එමඟින් කොන්ද ඉදිරියට නැමීම හැකි තරම් අඩුකර ගන්න. (මෙවිට ඔබේ කොන්ද තවදුරටත් කෙළින්ම තිබිය යුතුය)

(රෝහල් උපදෙස් පත්‍රිකාවක් ඇසුරිනි)

2019/05/01 තරුණි බලන්න.