ගුරුවරයෙක් කියන්නේ යහපත් මඟ පෙන්වන්නෙක්. පන්තියේ අන්තිමයා පළමුවැනියා කිරීම, දුර්වලයා ශක්තිවන්තයකු කිරීම දක්ෂ, උපක්‍රමශීලී ගුරුවරයකුට මොනතරම් පහසුද ? ගෝඩ්න් බොම්බේ නීතිඥවරයෙක්. වැඩිහිටියෙක් වුණත් ඔහු නිතරම ළමා වියේ මතකයන් සමඟ ජීවත් වුණා. ගෝඩ්න් දක්ෂම හොකී කණ්ඩායමට ක්‍රීඩා කරද්දීි ඔහුගේ වරදින් ජයග්‍රහණය අහිමි වුණා. මේ අතරේ ඔහු බීමත්ව රිය පැදවීමේ වරදට ද අසුවූ අතර දඬුවම වශයෙන් නියම වුණේ කණ්ඩායම් අතර අදක්ෂම කුඩාම කණ්ඩායම පුහුණු කිරීමේ වගකීමයි. මුලදී ගෝඩ්න් මේ දඬුවමට එරෙහි වුවත් අවසානයේ ඔහුට ඒ කණ්ඩායමේ හිත දිනාගෙන හොඳින් උගන්වන්න ලැබුණා. ගෝඩ්න්ගේ කණ්ඩායමට නමකුත් පටබැඳී තිබුණා. ඔහුගේ කණ්ඩායම පසුව කෙතරම් දස්කම් පෑවාද කිවහොත් අවසාන තරගයට පවා තේරුණා. අවසාන තරගයේදී ඔහුට මුණ ගැසුණේ ඔහුගේම පුහුණුකරුවායි.

ද මයිටි ඩක්ස් 1992 වසරේ තිරගත වුණු විනෝදයත් ක්‍රීඩා රසයත් සපිරි අමෙරිකානු සිනමා පටයක්. ස්ටෙෆන් හෙරෙක් අධ්‍යක්ෂණය කළ මේ සිනමා පටය ලෝ පුරා අතිශය ජනපි‍්‍රයවූ සිනමා පටයක්.

2020/01/15 තරුණි බලන්න