දඟකාර තාරුණ්‍යයේ සුන්දරත්වය විඳගන්න කැමැති අපේ දූවරුන්ටයි මේ දිගහැරුම.. මෙලෙස සුන්දරව හැඩවී තමන්ගේ රූසපුව ලස්සන කරගන්න. ඔබේ පෙනුම ඔබේ පෞරුෂය විදහා පෙන්වන කැඩපතයි. පිරිසුදුකමක් නොමැති නම් මොනතරම් ලස්සනට හැඩ වුණත් ගෙනෙන්නේ අවලස්සනකි. ඒ නිසා අංක එකට පිරිසුදුකමට මුල්තැන දෙන්න. ඒ පිරිසුදුකමත් සමඟ ඔබේ ලස්සන මුදාහරින්න. ඔබ නොසිතන පෙනුමක් ඔබ වෙතින් දිස්වේවි.
 

දඟකාර පෙනුම ඉස්මතු කරන්නට යොවුන් ඔබට තෝරාගන්නට හැකි කෙටි සාය විලාසිතා කිහිපයකි මේ. ඩෙනිම් හා විවිධ ඝනකමැති රෙදිවලින් මෙන්ම සැහැල්ලු රෙදි වර්ගවලින් ද මේවවා මසාගත හැකියි.

මෙවැනි විලාසිතා වෙළෙඳපොළේ විකිණීමටත් ඇත. කෙටි සායක් අඳින්නේ නම් පිරිපුන් කකුල් දෙකක් සහ පිරිපුන් නිතඹක් තිබීමෙන් අලංකාරය වැඩිවේ.

කෑලි හතරේ සාය යෞවනියන්ට වැඩි ලස්සනක් ගෙනදෙන අතර විශේෂයෙන්ම ඩෙනිම් කෙටි සාය විලාසිතාවන් ඔවුන්ගේ දඟකාර පෙනුමත් සුන්දරත්වයත් ඉස්මතු කරයි. එමෙන්ම දෙපයේ රෝම වැවී ඇත්නම් කෙටි සායක් ඇඳීමට පෙර එම රෝම ඉවත්කර ගැනීම කළ යුතුයි. නැතිනම් අලංකාරය වෙනුවට අවලස්සන පෙනුමක් ගෙනදේවි. එම රෝම ඉවත් කිරීම සඳහා වැක්ස් ක්‍රමය වඩාත් යෝග්‍ය වේ. රේසර් භාවිතයෙන් දෙපයේ සම ඝනකම් වේ. ඒ නිසා රෝම ඉවත් කිරීමට රේසර් භාවිත නොකරන්න.

නිය මතට මල් සිත්තම්

නිල් පැහැයේ පරාසයන් නිය මත ගල්වා ඒ මතට වසන්තය සිහිගන්වන මල් සිත්තම් කළ අපූරු නිය රටාවකි. ඔබත් නිල් පැහැය නිය මතට ගල්වන්නට සිතනවා නම් මේ මල් රටාවත් ඒ සඳහා ඔබටම සිත්තම් කරගත හැකියි.

මෙවැනි සරල රටාවක් උත්සව අවස්ථාවකට නිය හැඩකරන්නත් කදිමයි.

ලයිට් බ්ලූ, ස්කයි බ්ලූ, පෙරිවින්කල් බ්ලූ සහ ඩාක් බ්ලූ යන නිල් පැහැයන්ගේ කි්‍යූටෙක්ස් මේ සඳහා තෝරාගන්න. ඊට අමතරව ඩොට් තබන්නට ටූත් පික් එකක් අවශ්‍ය වේ.

දෑත සහ නිය සෝදා හොඳින් වියළා බේස්කෝට් ආලේප කරන්න. එය වියැළුණු පසු නිය මත මාරුවෙන් මාරුවට පෙරිවින්කල් බ්ලූ, ලයිට් බුලූ හා ස්කයි බ්ලූ වර්ණ ගල්වන්න.

ඒවා වියැළුණු පසු ලයිට් බ්ලූවලින් තරමක් ලොකුවට පෙති පහකට ටූත් පික් එකේ උල් නැති පැත්ත භාවිතයෙන් ඩොට් තබන්න. එය වියැළුණු පසු එයට තරමක් තද පැහැයේ නිල්වලින් පළමුව තැබූ ඩොට්වලට වඩා කුඩා ඩොට් පහක් පළමු ඩොට් මත තබන්න. එය වියැළුණු පසු මැදට තද නිල් (ඩාක් බ්ලූ) වර්ණයෙන් ඩොට් එකක් තබන්න. මේ නිය මෝස්තරය දෙස බැලීමෙන් එය වඩාත් හොඳින් පැහැදිලි වේවි.