සිහිබුද්ධියෙන් මෙනෙහි කිරීම සහ හුස්ම ගැනීම ඔබේ ස්නායු පද්ධතිය සන්සුන් කරයි. ඔබේ මනෝභාවය වැඩි දියුණු කරයි. වඩාත් සාමකාමී හැඟීම් ගෙන එයි.

පුද්ගලයෙක් සතු ආත්ම අභිමානය හෙවත් Self Esteem ජීවිතය සාර්ථක කර ගැනීමට බෙහෙවින් ඉවහල් වේ. ඒ නිසා ආත්ම අභිමානය වර්ධනය කර ගැනීම අත්‍යවශ්‍යම දෙයකි. Self Esteem වැඩි කර ගැනීමට කළ හැකි දේවල් බොහෝය. මේ ඉන් කිහිපයකි. ඔබත් මේ දේවල් ජීවිතයට එකතු කරගන්න.

කෘතඥතාව (Gratitude)

කෘතවේදිත්වය දැක්වීම විශ්ව ශක්තිය තමා වෙත ලැබීමට බලපාන කරුණු අතර ඉහළින්ම පවතින්නකි.

එය ඔබේ කම්පනය වැඩි කිරීමට ඉවහල්වන ක්‍රමවලින් එකකි. මේ මොහොතේ ඔබ ස්තුතිවන්ත වන දෙය වෙත ඔබේ අවධානය යොමු කරන්න. ඒ ඔබේ සුරතලා විය හැකියි. කාලගුණය හෝ ඔබට මේ පොළොවේ තවත් දිනක් ජීවත් වීමට අවස්ථාවක් ලබාදීම විය හැකියි.

කෘතඥතාව දැනෙන අතර බියක් හෝ කෝපයක් නොදැනේ. එමනිසා, චිත්තවේගයක් අත්විඳින බව හැඟෙන විට, ඔබේ අවධානය කෘතඥතාව වෙත යොමු කළ හැකිදැයි බලන්න. කෘතඥතාව පුරුද්දක් කර ගන්න. ඔබ අධ්‍යාත්මික අවබෝධයක් සහ කුඩා දේ සඳහා අගය කිරීමක් අත්විඳීමට පටන් ගන්නා විට එය ජීවිතය පිළිබඳ ඔබේ දැක්ම පරිණත කරයි.

ආදරය (Love)

තමා ගෞරව කරන, තමන්ට උපදෙස් ලබා දෙන ,"ගුරු "කෙනෙක් පවත්වාගෙන යාම සාර්ථක පුද්ගලයන් විසින් කරනු ලබන්නකි. ඉංග්‍රීසි භාෂාවෙන් මේ "ගුරු" යන සංකල්පය Mentor වශයෙන් හඳුන්වා දේ.

ආදරය කිරීමට පහසු කෙනකු මතකයට නඟා, එම පුද්ගලයා ඔබේ හදවතේ තබා ගන්න. ඔහු හෝ ඇය ඔබ ඉදිරියෙහි වාඩි වී සිටින ආකාරය දර්ශනය කර ඔබට හැඟෙන ආකාරය බලන්න. සැහැල්ලුබව සහ සතුට පිළිබඳ හැඟීමක් ඔබට දැනේ,

ඔබ සොයන වෙනස ඇත්තේ එතැනමයි. ආදරය යනු පැවැත්මේ ඉහළම කම්පන තත්ත්වයන්ගෙන් එකක් වන අතර ගැඹුරුම වළවල්වලින් පවා ඔබව පිටතට ඇද ගැනීමට ඊට බලය ඇත. ඔබේ හදවත ආදරයට අනුගත කරන්න. එවිට ඔබේ ශක්තිය ඉහළ යාමට පටන් ගනී.

ත්‍යාගශීලිත්වය හෙවත් දීම (Generosity)

ඔබ මසුරු වන ඕනෑම අවස්ථාවක, එය ඔබේ ශක්තිය අඩු කරයි. ඇත්ත වශයෙන්ම, ඔබ ඔබේ සතුට ඔබට පිටතින් ඇති දෙයකට සම්බන්ධ කරන ඕනෑම වේලාවක, එය ඔබට දැනීමට අවශ්‍ය ආකාරයට ප්‍රතිවිරුද්ධ හැඟීමක් ඇති කරයි. ප්‍රතිවිරෝධය නම් ත්‍යාගශීලිත්වයයි.

භාවනාව (Meditation)

භාවනාව මඟින් සිදුවන්නේ ඔබ විශ්වය සමඟ සම්බන්ධ වීමයි. ඔබ සිටින මොහොත සමඟ පෙනී සිටීමට ඔබ ඔබවම පුහුණු කරන විට, ඔබ සත්‍යය සමඟ වඩාත් එකඟතාවකට එළැඹේ. අතීතය සහ අනාගතය ඇත්තේ ඔබේ මනසෙහි පමණි.

සිහිබුද්ධියෙන් මෙනෙහි කිරීම සහ හුස්ම ගැනීම ඔබේ ස්නායු පද්ධතිය සන්සුන් කරයි. ඔබේ මනෝභාවය වැඩි දියුණු කරයි. වඩාත් සාමකාමී හැඟීම් ගෙන එයි.

මේ අධ්‍යාත්මික පුහුණුව ඔබේ කම්පන මට්ටම වේගයෙන් ඉහළ නැංවීමට උපකාරී වන අතර එමඟින් ඔබට එම ප්‍රතිලාභ ප්‍රමාදයකින් තොරව භුක්ති විඳිය හැකියි.

සමාව දීම (Forgiveness)

සමාව දීමේදී තමාට දැනෙන්නේ වයලට් මල් පයට පෑගෙන විට දැනෙන සුවය මෙන් පහසු හැඟීමක් බව එලියට් නම් ඉංග්‍රීසි සාහිත්‍යධරයා පවසා ඇත. සමාව දීම මඟින් ද ඔබේ කම්පන/විශ්ව ශක්තිය වැඩි කරගන්න පුළුවන්.

සතුට විඳින්න (Happiness)

අද වන විට සතුටේ විද්‍යාවක් ද පවතී. සතුට හිතට දැනෙන විට නීරෝගි භාවයේ හෝමෝනය එනම් එන්ඩෝෆින් නමැති හෝමෝනය ශ්‍රාවය වේ.

සංගීතය (Music)

පුද්ගල මනස ඉහිල් වීමට බලපාන කාරණා අතර ඉහළින්ම පවතින සංරචකයක් වන්නේ සංගීතයයි.

ශ්‍රී ලංකා ගුවන්විදුලි සංස්ථාවේ

නියෝජ්‍ය අධ්‍යක්ෂ ජනරාල් - අලෙවි

පාලිත දිසානායක මහතාගෙන්

ඔබේ දිවිමඟට පහන් වැටක්