අපි නව වසරකට පියවර තබන්නට අතැඟිලි ගනිමු. ගෙවී යන වසරේ අප මුහුණ දුන්නේ වෙනස්ම අත්දැකීම් පෙළකටය. එලෙසින් අප ලැබූ අත්දැකීම් ආශිර්වාදයක් කරගෙන නව වසර පිළිගැනීමට සූදානම් වෙන්නේ බලාපොරොත්තු ගොඩක් සිතේ තබාගෙනය.

උදාවෙන 2025ක් වසර වෘශ්චික ලග්න හිමියන්ට වාසනාවන්ත වසරක් ලෙස පිළිගනී. මේ ලග්න හිමියන්ට සියලු අපේක්ෂා ඉටුවන සාර්ථක වසරක් බවට පත් වෙයි. බ්‍රහස්පති ග්‍රහයාගේ හැසිරීම අනුව උදාවන නව වසර එම ග්‍රහයා 2025 මැයි මාසය දක්වා වෘශ්චික ලග්නය දක්වා ගමන් කරයි. වසරේ පළමු කාර්තුව ලෙස සලකන 2025 වසරේ ජනවාරි මාසයේ සිට මැයි මාසය දක්වා ඔබ ගත කරන්නේ ඉතාම වාසනාවන්ත කාල හෝරාවකි. මේ කාලය පුරාම ඔබගේ ආර්ථික තත්ත්වය යහපත් වෙයි. එසේම අවිවාහකයන් හට විවාහවීමට කාලය උදාකර ගැනීමට හැකිවනු ඇත. විශේෂයෙන් ස්වයං රැකියා වැනි කටයුතුවල නියැළෙන අයකු නම් එය වඩාත් හොඳින් සාර්ථක වෙනු නියතය. රැකී රක්ෂාහි නියුතු ඔබට එම රැකියාවේ උසස් වීම් හා දියුණුව උදාවෙයි.

උදාවන වසරේ ඉතාම උනන්දුවෙන් හා උද්යෝගයෙන් කටයුතු කරන්න. කරන රැකියාව ඉතාම අවංකව නොපිරිහෙළා ඉටුකරන්න. ඔබට නියත ලෙසම වාසනාව ළඟා වෙයි. තරුණ තරුණියන් හට තම ප්‍රේම සම්බන්ධතා ඉතාම හොඳින් සාර්ථක වෙන බව පෙන්නුම් කරයි. මේ උදාවන 2025 කාන්තාවන්ට වඩාත් සුවිශේෂී වසරක් ලෙසින් සනිටුහන් වෙයි. කාන්තාවන් හට සම තැන වෙනුවට නිසි තැන ලබා ගැනීමේ හැකියාව උදාවෙනු ඇත. එසේම කාන්තා නායකත්වයේ කැපී පෙනෙන භූමිකාවක් ඉටුකරන වසරක් බවට පරිවර්තනය වෙයි. කාන්තාවන් හට ස්වාධීනව තම කටයුතු කිරීමටත් කාන්තා අයිතිවාසිකම් දිනා ගනිමින් පිරිමි පාර්ශ්වය සමඟ ඉතා හොඳින් කටයුතු කිරීමේ අවස්ථාවද උදාවෙයි.

එසේම විවිධ වෘත්තීන්වල නියුතු අයටද වඩා හොඳ ආර්ථික තත්ත්වයක් උදාකරයි. රසායනික ද්‍රව්‍ය, ඖෂධ, විවිධ උපකරණ හා යන්ත්‍ර සූත්‍ර අලෙවිකරණ ආයතන හා පුද්ගලයින් හට ඉතාම සුබ කාලයක් උදාවෙයි. සතුට හා සමෘද්ධිය උදා කරන වසරක් ලෙසින් ඉතිරියට හොඳම කාලයක් උදා කරයි.

උදාවන නව වසර ව්‍යාපාර ක්ෂේත්‍රයේ නියුතු සැමටම ද සුබ කාලයකි. ව්‍යාපාරයේ දියුණුව මෙන්ම විදේශ ගමන් සඳහාද අවස්ථාව සැලසෙයි. විශේෂයෙන් විවිධ ව්‍යාපාරයන්හි නියැළි කාන්තාවන් හට මෙය විශේෂ වෙයි. මැහුම්, ගෙතුම්, අත්කම් හා රූපලාවණ්‍ය වැනි ක්ෂේත්‍රයන්හි නියැළි යුවතියන්ට උදාකරන්නේ සෞභාග්‍යවත් කාලයකි. ඔවුන්ගේ නිෂ්පාදන භාණ්ඩ අලෙවි කර ගැනීමටත් ඒ සඳහා හොඳ වෙළඳපොළක් ද නිර්මාණය කර ගැනීමට අවස්ථාව උදාවෙයි.

මැයි මාසයෙන් පසු බ්‍රහස්පති ග්‍රහයා වෘශ්චික ග්‍රහයාගේ අටවැනි භාගයට ගමන් කරයි. එවිට ඔබට සුළු සුළු මුදල් ගැටලුවලට මුහුණ දීමට සිදුවෙයි. එයින් මිදීම සඳහා ඔබගේ උත්සාහය වඩාත් වැදගත් වෙයි. මේ කාලය තුළ ඔබ ප්‍රවේශමෙන් කටයුතු කළ යුතු අතර හවුල් ව්‍යාපාර සඳහා යොමු වීම තරමක් අවදානම් වෙයි.

විශේෂයෙන් කාන්තාවන්ට සුබ වූ වසරක් ලෙස ඔබට අභිමානයෙන් යුතුව ඔබේම ව්‍යාපාරයක් ආරම්භ කිරීමට 2025 වසර හොඳම කාල හෝරාවයි. ඔබේ උත්සාහය මල්ඵල ගන්වන මේ කාලයේ කාන්තාවක් ලෙස ස්වාධීනව නැඟී සිටීමට පියවර තබන්න. අධ්‍යාපනය ලබන දරුවන්ටද උදාවෙන්නේ සුබ කාලයකි. රැකියා විරහිත තරුණ තරුණියන් හට තම සුදුසුකම් අනුව රැකියාවක් හිමි කර ගැනීම සඳහා මඟ පෑදෙයි.

2015 වසරේ මුල් භාගයක් මැද ඉතාම සුබ වූ කාල පරාසයකි. මේ කාලසීමාව තුළ අධ්‍යාපනයේ නියැළි සිසුන්ට ඉගෙනීම සඳහා අවශ්‍ය පහසුකම් හා ශිෂ්‍යත්ව ආදිය හොඳින් ලැබෙයි. තමුන්ගේ හැකියාවට අනුව ඉදිරියට යමින් ජීවිතය සාර්ථක කර ගැනීම සඳහා මඟ පෑදෙයි.

උපදෙස්

‍ෙජ්‍යාතිෂවේදී ගුප්ත

විද්‍යා විශාරද

වෛද්‍ය ආචාර්ය

චන්දන සතරසිංහ

[email protected]