සිංහ ලග්න හිමියන්ට ධනය ගලාගෙන එන වසරකි

කන්‍යා ලග්න හිමියන් අඩියෙන් අඩිය දියුණුවට යන වසරකි

වෘශ්චික ලග්න හිමියන්ට ලැබීම් අතින් ශුභම ශුභ වසරකි

 මිථුන ලග්න හිමියන් සතුරු බලවේගයන්වලින් ප්‍රවේසම් වන්න

කුම්භ ලග්න හිමියන්ට පිරිවර සේනාවක් ඇතිවන වසරකි

 

සමස්ත ජීවන ගමන මුල් මාස දෙකක කාලය තුළ ඉතාමත් යහපත සෙත ශාන්තිය ළඟා කර දෙන කාලසීමාවක් වේ. විදෙස් රටවල් සමඟ ඇති සබඳතා බල වර්ධනයට හා රාජ්‍යතාන්ත්‍රික සබඳතාවලට හොඳ කාලයක් හා දේශ දේශාන්තර අතර කීර්ති නාමය පතුරවා ගැනීමට හැකියාව පවතී. ලෝකය වටේම තිබෙන, දේශ දේශාන්තර අතර ශ්‍රී ලංකාව කියන නාමය ප්‍රචලිත කරගැනීමේ කාලසිමාවක මුල් මාස දෙක කාලසීමාව ඉතාමත් යහපත් වශයෙන් කිව හැකියි.

 

මේෂ

මේෂ ලග්නයෙන් උපන් ඔබට මුල් මාස 06ක කාලසීමාව ඉතාමත් ශුභ කාලසීමාවකි. ධනය අතින් ශූභයි.

 

තැන්පත් මුදලක් අත රැඳෙන කාල සීමාවක් වේ. පිරිපුන් ශක්තියක් ඇතිවන කාලසීමාවක ආරම්භයක් සනිටුහන් වේ. උසස් දේ ගැන කථා කිරීමට ඉතා උනන්දුවක් දක්වයි. එවැනිම වූ ධනය ඉපයීමට උනන්දුවක් දක්වන කාලසීමාවක නමුත් 2025 වසරේ අග කාලසීමාවේදී මෙම තත්ත්වය වෙනත් මුහුණුවරක් ගනී. තමන්ගේ ශරීර සෞඛ්‍ය පිරිහීමට, ඉඩ ඇත. කුඩා දරුවෙකු නම් රෝග හඹා එනු ඇත. වසරේ අග කාලසීමාව සෙනසුරු ඒරාඨෂ්ටකය පවතින හෙයින් ආගමානුකූලව කටයුතු කිරීම තුළින් යහපත උදා වේ. වසරේ අග භාගය වන විට අකුසල් සිත් පහළ විය හැකි බැවින් ඒවා පාලනය කරගෙන ආගමානුකූලව, ගත කරන්න. පිත් රෝග, වාත, රෝග ඇතිවීමට ඉඩ ඇති බැවින් කල්පනාකාරීව කටයුතු කරන්න, ඉගෙනීමේ කටයුතු කරන අයටත් නොකරන අයටත් වසරේ මුල් භාගය යහපත්. අවසාන කාලසීමාව ඉතා ප්‍රවේශමකට සිහිබුද්ධියෙන් කටයුතු කරන්න.

 

වෘෂභ

වෘෂභ ලග්න හිමි ඔබට 2025 වසරේ ඔබගේ ශරීරය පූෂ්ටිමත් භාවයට පත් වේ.

ලොකු ලොකු වැඩ කිරිමට යාම තුළින් සමාජයේ කථා බහට ලක් වේ. තමන් උපදේශකයෙක් යැයි නිතර හැඟේ. අන් අයට යටත් නොවන ගතියක් ඇති කරයි. නම්‍යශීලි නොවේ. ධනය ලබා ගැනීමට නම් තරමක මහන්සි විය යුතුයි. කොතරම් කරදර සහිත වුවද, ගණන් නොගනී. කරදර නොමැති ගාණට ඔළුව තියාගෙන සිටී. මෙම වසර තුළ ප්‍රශ්න විසඳා ගැනීමේ ගුණ ශක්තියක් වාසනා බලයක් අැත.

විවාහක අයෙක් නම් තැන්පත් ගති ඇති කරයි. 2025 වර්ෂය මධ්‍යස්ථව ශූභ වේ.

 

මිථුන

 

2025 වසර ඔබ ආත්මාර්ථකාමි ගති අඩු අයෙක් වේ. අන් අයට උදව් උපකාර කිරීමට හිත් යෙදේ. බොහෝ ප්‍රයෝජනවත් ගමන් යෙදේ.

රැකියාවේ උසස්වීම් හා තමන්ට ලැබිය යුතු තත්ත්වය ලැබේ. සමාජයේ හොඳ නාමයන් හා හිත් දිනාගැනීමක් ඇත. අන් අයට උදව් උපකාර කිරීම මෙන්ම උසස් බලවත් අයගෙන් තමන්ට උදව් උපකාර ලැබෙන වසරකි. මෙම වසර තුළ ඔබ විපත් කරදර, හා රැවටීම්වලට හසුවන්නේ නැත. මිථුන රාශිය හිමි ඔබට පෙර කුසල් ඵල දෙන කාලය වේ. වයස අවුරුදු 40ට වැඩි නම් දියුණු වීමේ, තත්ත්වයක් උදා කරයි. 2025 වර්ෂය මිථුන ලග්න හිමියන්ට ශූභ වර්ෂයකි. නමුත් සතුරු බලවේගයන්වලින් ප්‍රවේසම් වන්න.

 

කටක

 

2025 වසර ඔබට සත්‍යවාදි වාසනාවන්ත මිතුරන් මුණගැසෙන කාලසීමාවකි. ඔවුන්ගෙන් ආධාර උපකාර ලැබේ.

ස්ථිර ලෙස කරදර, තත්ත්ව නැතුව ආදායම් මාර්ග ලැබෙන කාල සීමාවකි. නිදහස් ව්‍යාපාර පටන් ගැනීමට යහපත් වසරකි. විවාහ වී නම් සහකරු හෝ සහකාරියට ශූභයි. උගත්කම ඉහළ යයි. වෙනසක් නැතුව සමස්ත ජනතාව සමඟ අැසුරු කරයි. අන් අයට වියදම්කාරයෙකු ලෙස පෙනුන ද නාස්ති නොකරයි. යම් යම් අවස්ථාවල මෙම වසර තුළ ධනය අතින් අමාරුකම් යෙදුනද, ඒවා පිට අයට නො‍ෙපන්වයි. කටක ලග්න හිමියන්ගේ දූ දරුවන්ගෙ දියුණුව පෙන්නුම් කරයි. කටක ලග්න හිමියන්ට 2025 වසරේ ඇති වන සුළු සුළු බාධක, අවම කරගෙන, ශූභදායක ලෙස කටයුතු කිරීමේ වාසනාව ඇත.

 

සිංහ

 

සිංහ ලග්න හිමි ඔබට 2025 වර්ෂය තුළ කුමන අවස්ථාවක හෝ වගකීම් සහිත උසස් තත්ත්වයක් හෝ නිලතල දැරීමට වාසනාව ඇත.

ධනය අතින් ඉතාමත් යහපත් ධනය ගලාගෙන එන වසරකි. සමාජයෙන් ගෞරවය රැකගෙන ජීවත් වන අයෙක් වේ. පොදු ජනතාවගේ ශුභ සිද්ධිය තකා වැඩ කරන නියෝජිතයෙක් වේ. දේශපාලන වශයෙන් යොමු වන්නේ නම් ශුභයි. ශරීර සෞඛ්‍ය යහපත්ය. උගත්කමට වඩා දැනුම ඇති අයෙක් වේ. උසස් බලාපොරොත්තු සඵල වෙයි. ධෛර්යවත්ව කටයුතු කිරීම තුළින් බලාපොරොත්තු සඵල වේ. අඩුපාඩු නැති වසරක් වශයෙන් 2025 වසර සිංහල ලග්න හිමියන්ට හැඳින්විය හැකියි.

 

කන්‍යා

 

තමන්ට තමන් පාලනය කර ගැනීමේ උසස් දැනුමක් මෙන්ම ආගම දහම අනුව ජීවත්වීමට සිතයි.

තම ආත්ම ගෞරවය ආරක්ෂා වන පරිදි කටයුතු කරයි. කුඩා දරුවකු වුවද ඉතා තැන්පත්ව කටයුතු කරයි. දරුවන් උසස් ඉගෙනීම ලබයි. රැකියාවල දියුණුව ඇති කරයි. කලබලකාරී නොවී හෙමින් වැඩ කර හෙමින් හෙමින් දියුණු වන වසරකි. ශරීර සෞඛ්‍යයද යහපත්ය. අන් අයටත් අවැඩක් නොවී ජීවත්වීමට සිතයි. අවිවාහක අයට මංගල යෝජනා එන වසරකි. දේපළ ඇති අයෙකු හා විවාහ වේ. සමස්තයක් වශයෙන් බැලූ කල අඩියෙන් අඩිය දියුණුවට යන වසරකි.

 

තුලා

තුලා ලග්න හිමියන්ට වසරේ මුල් මාස පහ තරමක අශුභ පලතාවයක් ඇත. ශරීර සෞඛ්‍යයට ශුභ නැත.

ශරීර උෂ්ණ රෝග, කල් අල්ලන්නා වූ රෝග පීඩා ඇතිවන කාලසීමාවකි. පිත් අමාරු ශරීරයේ බිබිළි ගෙඩි වැනි රෝගාබාධ ඇතිවේ. එම නිසා රෝග පීඩා ඇති වුවහොත් මුල් කාලයේම වෛද්‍යවරයෙක් මුණ ගැසී ඖෂධ ලබාගන්න. මෙම වසර තුළ වැඩිහිටියන්ට ගරු කිරීමට අකමැති වේ. වසරේ මුල් කාලය මෙසේ වුවද අග භාගය බොහෝ බලාපොරොත්තු සඵල වේ. රැකියා ස්ථානයේ ප්‍රධානීන්ගේ සිත් දිනාගෙන කලබල නැතුව දුරදක්නා නුවණකින් කටයුතු කරන සැපවත් ජීවිතයක් ගත කිරීමේ වාසනා බලය ඇත.

 

වෘෂ්චික

2025 වසර යහපත් ගති ඇති අයෙක් වේ. චර්යාවේ වෙනසක් ඇති කරයි. අන් අයගේ භාරදූර කටයුතු ඔබට භාර කරයි.

අන් අයගේ හිත් දිනාගෙන වැඩ කරයි. සමාජයේ පිළිගත් අයෙක් වෙයි. සමාජයෙන් ගරු සරු ලබයි. විවාහ සම්බන්ධව දේපළ ආදී ලැබීම් වලට වාසනාව ඇත. වෘෂ්චික ලග්න හිමියන්ට ලැබීම් අතින් ශුභම ශුභ වසරකි. සීමාව ඉක්මවා වැඩ කිරීමට යාම තුළින් පාඩු තත්ත්ව ඇතිවිය හැක. බාහිර වශයෙන් සැප විඳිනවා හැර හිත දියුණු කරගැනීමට පෙළඹෙන්නේ නැත. කෙසේ වී නමුත් 2025 වසර වෘෂ්ටක ලග්න හිමියන්ට ශුභම ශුභ වසරයි.

 

ධනු

රෝග පීඩා අතින් දුර්වලතා ඇති කරයි. ශරීර සෞඛ්‍ය ගැන ප්‍රවේශම් වන්න. පිත් අමාරු සෙංගමාලය වැනි අසනීප උෂ්ණ රෝගවලට හේතුයි.

මෙම රෝග කෙරෙහි වැඩි අවධානයකින් කටයුතු කරන්න. හරි හම්බ කරන දේ වැරැදි අයුරින් සිදු කළොත් මෙම වසර වැඩ වරදී. ධාර්මිකව කටයුතු කරන්න. තමන්ට මෙසේ වුවද අන් අය තමන් කෙරෙහි ඊර්ෂ්‍යාවෙන් කටයුතු කරන වසරකි. විවාහ බලාපොරොත්තුවෙන් සිටින පුරුෂයෙක් නම් තමන්ගේ වයස හා සමාන කෙනෙක් සමග විවාහ වෙයි. ස්ත්‍රියකට නම් වයස අවුරුදු 7ක් 8ක් වැඩිමල් අයෙකු හා විවාහ වෙයි. ධනු ලග්න හිමියාට 2025 වසර මධ්‍යස්ථ ස්වරූපයක් පෙන්නුම් කරයි. ධනු ලග්න හිමියන් ඉතාමත් කල්පනාකාරීව කටයුතු කළ යුතු වසරකි.

 

මකර

2025 මකර ලග්න හිමියන් නුවණැති අය වේ. තැන්පත් අය වෙති. මිල මුදල් යොදවා කරන වැඩවලින් ලාභ ලැබෙයි.

ගොඩක් දුරට අනුන්ට පාඩු නොවන අයුරින් ජීවත්වීමට සිතා සිටී. ආලය ආදරය සම්බන්ධ කටයුතු ප්‍රවේශමෙන් සිදු කරන්න. ප්‍රධාන වශයෙන් දූ දරුවන් කෙරෙහි අවධානය වැඩි කරන්න. මෙම වසර ඔබ වැඩිහිටි ඥාතීන්ට පක්ෂපාතී වන අයෙක් වේ. විරුද්ධවාදීන් සමඟ සටන් කිරීමට ඇති ධෛර්යය අඩු ගති පවතින බැවින් එම අය සමඟ සුහදව කටයුතු කරන්න. දරුවන් ගැන වැඩි අවධානයක් ඇති කරගන්න. එසේ නොවුවොත් දරුවන් ඔබ කෙරේ අවධානය අඩුවේ. ආත්මාර්ථකාමී බව තරමක් අඩු කරගෙන 2025 වසර කටයුතු කරන්න.

 

කුම්භ

තමන්ගේ නෑදෑ පිරිවර අතරේ කැපී පෙනෙන චරිතයක් බවට පත් වේ. පිරිවර සේනාවක් ඇතිවන වසරකි.

ඉඩකඩම් ගෙවල් දොරවල් ලැබීම් ලැබෙන කාලයකි. පෙර පින් පලදෙන කාලයකි. එම නිසා ලැබීම ලබා ගැනීමට උනන්දුව උත්සාහය ඇතිකරගන්න. වසර අවසාන කාලය බලාපොරොත්තු සඵල වන කාලයක් බව කිව හැකිය. කුම්භ ලග්න හිමියන්ට පොදුවේ කියනවා නම් වැඩිහිටි අයගේ දේපළ ලැබීම් හා ගෘහ ජීවිතය සතුටින් ගත කිරීමේ හැකියාව ඇත. ආලය, ආදරය පිළිබඳ වැඩි නැඹුරුතාවක් ඇති කරයි. දූ දරුවන් පිළිබඳ වැඩි සැලකිල්ලක් දක්වයි. යහපත් විශ්වාසයක් ඇතිකර ගනියි. දරුවන් බලාපොරොත්තුවෙන් සිටින අයට පුතුන් ලැබීමේ වැඩි ඉඩකඩක් ඇත. දුක්නොවිඳ පිළිවෙළකට ගත කිරීමේ හොඳ කාලසීමාවකි.

 

මීන

මීන ලග්න හිමි ඔබගේ ශරීර සෞඛ්‍යයට ශුභ නැත. ශරීර සැපය ගැන සැලකිලිමත් වන්න. වසරේ මුල් කාලයේ නිතර රෝග පීඩා ඇති කරයි.

වෛද්‍ය ප්‍රතිකාර ලබා ගැනීමට පෙලඹෙන්න. අනුන් වෙනුවෙන් කරන කාර්යයන් ශුභවාදීව කරන්න. මීන ලග්න හිමියන්ට සෙනසුරු ඒරාෂ්ටක තත්ත්වය උදාවන බැවින් කුසල් වඩවන්න. පිත් අමාරු උෂ්ණ රෝග තත්ත්වයන් ගැන ප්‍රවේශම් වන්න. ඉගෙනීමට යහපත් නමුත් වසර අවසාන භාගයේ අධ්‍යාපනයේ කඩා වැටීමට ඉඩ ඇත. ඒ සඳහා උනන්දුවන්න. ගෘහ ජීවිතය සැපවත් වෙයි. කුසල් පැත්තට හිත යොමු කරන්න. අන් අයට අවැඩක් නොකරන්න. එවිට තමන්ගේ ගමේ වුවද කරන දෙයින් දියුණුව ඇති කරයි. දූ දරුවන්ට ශුභයි. මීන ලග්න හිමියන්ට මෙම වසර මධ්‍යස්ථව ශුභවාදී වේ.

 

උපදෙස් ප්‍රවීණ ජ්‍යොතිශවේදී අංක විද්‍යා විශාරද  සුජීවා කරුණාරත්න

 

[email protected]